Urkunde Nr. 1196 aus Band II

Seite im UB:

594-595 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 32.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1196

Neumarkt am Mieresch 1384 Dezember 17 ^b) Demetrius, Erzbischof von Gran, stellt einen Ablassbrief aus für die seitens der Heiligleichnamsbruderschaft in Hermannstadt jeden Donnerstag in der Pfarrkirche abzuhaltende Messe. [S. 595]

Demetrius miseratione divina¹⁾ tituli sanctorum quatuor coronatorum sacrosanctae Romanae ecclesiae presbyter cardinalis ac sanctae Strigoniensis ecclesiae gubernator perpetuus apostolicaeque sedis in regno Hungariae legatus universis Christi fidelibus tam praesentibus quam futuris praesentium notitiam habituris salutem in domino cum felicitatis corporis et animae continuo incremento. Pro humani redemptione generis de summis caelorum ad ima mundi descendens et mortem tandem subiens temporalem dei filius dominus noster Jhesus Christus in ecclesiae suae fundamento venerare corporis et sanguinis eius sacramentum claro nitore coruscare instituit, ut universalem eius illuminaret ecclesiam et currentibus in stadio sua veneratione rectum iter insinuando ostenderet, quo ad salutis viam possent deo miserante facilius pervenire et nobis eius corpus in cibum et sanguinem in poculum tribuendo, volens hoc fieri in eius commemorationem, ut hoc praecipuum et insigne memoriale sui amoris eximii quo nos dilexit esset nobis praecelsum et venerabile sacramentum, memoriale inquam mirabile et stupendum tutissimum et super omnia alia in esse praeciosum, in quo perfecto reficimur ipsius praesentia salvatoris. Cum itaque singulis quintis feriis ad laudem et honorem ipsius sacramenti in ecclesia beatae Mariae virginis in Cybinio Strigoniensis iurisdictionis per certam fraternitatem ad honorem [ipsius sacrame]nti missa solenniter consuevit celebrari, volentes homines utriusque sexus ad ipsius missae devotionem spiritualibus donis animare omnibus vere poenitentibus et confessis, qui dictam missam can[taverint aut ipsi missae in]terfuerint²⁾ ac qui ad perpetuationem dictae missae et honorem manus de bonis a deo ipsis collatis porrexerint adiutrices, de omnipotentis dei misericordia beatorumque Petri et Pauli apostolorum [eius auctoritate confisi unius anni]³⁾ et centum dierum indulgentias de iniunctis eis poenitentiis misericorditer in domino relaxamus. In cuius indulgentialis concessionis testimonium praesentes sub appensione sigilli nostri authentici dux[imus concedendas.] Datum in Zebuluasaihel, XVII die mensis Decembris, anno domini M^o CCC LXXXIIII^o.


a) Seitenumbruch nach Kopfregest.^{^}
b) Ausstellungsort im UB als: Neumarkt.^{^}

1) Bis hierher kleine verlängerte Schrift.^{^}
2) Loch, 3 Centimeter breit.^{^}
3) Desgleichen 5.5 Centimeter.^{^}