Urkunde Nr. 1197 aus Band II

Seite im UB:

595-596 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 11.

Druckvorlage:

nach Original

Abdruck als:

Volltext

Sprache:

Latein

---

1197

Neumarkt am Mieresch 1384 Dezember 20 ^b) Demetrius, Erzbischof von Gran, erlässt für den Kronstädter Distrikt eine Verordnung, betreffend das Verhältnis des Vitricus zum Pfarrer.

[S. 596] Demetrius miseratione divina tituli sanctorum quatuor coronatorum presbyter cardinalis ac sanctae Strigoniensis ecclesiae gubernator perpetuus apostolicaeque sedis in regno Hungariae legatus universis comitibus, iudicibus, iuratis consulibus et universitatibus per Brassouiam constitutis amicis nostris carissimis salutem in domino cum paternae gratitudinis continuo incremento. Ad nostram dudum deductum audientiam, quod vos de legatis, testatis et aliter commissis pro ecclesiarum utilitate bonis, rebus et pecuniis ad vestram disponitis voluntatem non requisito super hoc ecclesiae plebano cum cuius consilio id deberet inchoari, mediari et finiri cumque laicis quantumque religiosis de rebus ecclesiasticis disponendi nulla sit attributa facultas, praesertim cum eos movet obsequendi necessitas non auctoritas imperandi. Volentes in his et aliis ecclesiarum nobis subiectarum negotiis canonum aequitates servare vobis comitibus, iudicibus, consulibus et universitatibus in virtute sanctae obedientiae et sub excommunicationis poena praecipimus et districte mandamus, quatenus dum et quoties legata, testata, donata vel quaelibet alia bona ad ecclesiarum utilitates, fabricas et alias necessitates vel dispositiones per quempiam parochianorum fuerint praedicta non ad voluntatem seu libitum vitricorum ecclesiae vel aliarum¹⁾ laicarum²⁾ personarum disponantur, sed vocato plebano cum eius consilio ad ecclesiarum utilitates, evidentem tamen vel honestam salubriter disponatur, praesertim cum igitur qui de rebus ecclesiasticis debet habere custodiam eius defectus non praesumitur ignorare, scituri quod contra facientes debita animadversione curabimus punire in futurum. Datum in Zekuluasarhel, in vigilia festi beati Thomae apostoli, anno domini M^o CCC^o LXXX^o quarto. Ceterum volumus et propter utilitatem ecclesiarum decernimus, ut vitrici ecclesiarum coram suis plebanis de legatis seu testatis et quocumque titulo ad ecclesiam perventis et expositis coram suo plebano rationem reddere teneantur. Datum ut supra.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4-5 auf S. 595 (in Siegelbeschreibung, 1-3 zu voranstehender Urkunde), 1-2 auf S. 596.^{^}
b) Ausstellungsort im UB als: Neumarkt.^{^}
[S. 595]
4) Das zweite R mit Abkürzungsschleife.^{^}
5) L mit Abkürzungsschleife. ^{^}
[S. 596]
1) Vorlage: aliorum.^{^}
2) Vorlage: laiacarum.^{^}