Urkunde Nr. 1201 aus Band II

Seite im UB:

598-599 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 12.

Druckvorlage:

nach Original

Abdruck als:

Volltext

Sprache:

Latein

---

1201

Neumarkt am Mieresch 1385 April 21 ^b) Demetrius, Erzbischof von Gran, stellt zu Gunsten der im Bau begriffenen Marienkirche in Kronstadt einen Ablassbrief aus. [S. 599]

Demetrius miseratione divina tituli sanctorum quatuor coronatorum presbyter cardinalis ac sanctae Strigoniensis ecclesiae gubernator perpetuus apostolicaeque sedis in regnis Hungariae et Poloniae legatus universis Christi fidelibus praesentibus pariter et futuris praesentium notitiam habituris salutem in domino sempiternam. Quoniam ut ait apostolus omnes stabimus ante tribunal Christi recepturi prouti in corpore gessimus sive bonum fuerit sive malum, oportet ergo divinae messionis extremae operibus misericordiae praevenire ac aeternorum intuitu seminare in terris quod reddente domino cum multiplicato fructu recolligere debemus malis firmam spem fiduciamque obtinentes, quoniam qui parce seminat parce et metet et qui seminat in benedictionibus de benedictionibus et metet ad vitam aeternam. Cum itaque ecclesia parochialis beatae Mariae virginis in Corona nostrae Strigoniensis diocesis opere sic incepta sumptuoso nec in suis structuris et aedificiis sine fidelium eleemosynis commode valeat et possit confirmari, volentes Christi fideles ad ipsius operis subsidium donis spiritualibus invitare, omnibus Christi fidelibus vere poenitentibus et confessis, qui de bonis a deo ipsis collatis ad ipsius ecclesiae beatae Mariae virginis structuram et utilitatem manus porrexerint adiutrices, de omnipotentis dei misericordia et beatorum Petri et Pauli apostolorum eius ac nostrae legationis auctoritate qua fungimur confisi unum annum et centum dies de iniunctis eis poenitentiis tenore praesentium in domino relaxamus. In cuius rei testimonium praesentes sub appensione nostri sigilli authentici duximus concedendas. Datum in Zekulwasarhel, feria sexta proxima ante festum beati Georgii martyris, anno domini millesimo CCC^mo octuagesimo quinto.


a) Seitenumbruch nach Kopfregest.^{^}
b) Ausstellungsort im UB als: Neumarkt.^{^}