Urkunde Nr. 1207 aus Band II

Seite im UB:

604

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 47.

Druckvorlage:

nach Original

Abdruck als:

Volltext

Sprache:

Latein

---

1207

1386 Mai 25 Der Rat von Hermannstadt bezeugt, dass der Ratsgeschworne Peter Phaffenhenyl die ihn zur Verausgabung für das Spital zum heiligen Geist überwiesene Geldsumme richtig verrechnet hat.

Consules, iurati cives et universi civitatis Cibinii seniores memoriae commendantes notum facimus praesens quibus expedit universis. Cum nos de pecuniis et bonis per venerabilem in Christo patrem et dominum, dominum Goblinum episcoptim Transsiluanum ex parte testamenti honorabilis viri domini Martini Cibiniensis praepositi bonae memoriae nobis ultimatim missis et datis provido viro Petro dicto Phaffenhenyl nostri consilii iurato simul dedimus novem marcas cum dimidia argenti ponderis nostri Cibiniensis, centum et tredecim florenos XXXII grossos pro quolibet floreno computandos tali modo, quod dictus Petrus Phaffenhenyl ipsum argentum et pecunias pro utilitate ac structura hospitalis nostri sancti spiritus, ubi necesse foret, vitrico et procuratori¹⁾ huiusmodi penitus debuit extradare. Quare praemissus Petrus Phaffenhenyl cum Nicolao pictore vitrico dicti nostri hospitalis nostram²⁾ adivit praesentiam in omnibus computando singulaque extradata particulatim demonstravit, quod dictam summam argenti et florenorum pecuniam supra dicto Nicolao pictori vitrico aliisque antecessoribus vitricis praefati nostri hospitalis omnimode studiose³⁾ necnon complete persolvit, extradedit atque reddidit. Hinc quia saepe nominatum Petrum Phaffenhenyl nostrum iuratum quietum⁴⁾ reddamus, expeditum de praemissa pecuniarum summa in omnibus et solutum testimonio praesentis nostrae literae mediante. Datum et actum die beati Vrbani papae et martyris, anno domini M^mo CCC^mo LXXX^mo sexto.


1) Vorlage: procuratore.^{^}
2) Hierauf durchgestrichen: adiens pn.^{^}
3) Hierauf durchgestrichen: no.^{^}
4) Vorlage: quitum,^{^}