Urkunde Nr. 1240 aus Band II

Seite im UB:

638

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

1240

Temeswar 1389 Dezember 27 ^a) Königin Maria verleiht dem Weissenburger Kapitel das Recht, von den auf den Kapitelsbesitzungen befindlichen Jobagionen die Abgabe des Neunten zu erheben.

Nos Maria dei gratia regina Hungariae, Dalmaciae, Croaciae et cetera memoriae commendamus per praesentes, quod nos cum ob singularem devotionem, quam ad sanctum Michaelem archangelum caelestis militiae principem gerimus, tum etiam ad humilem precum instantiam fidelis nostri devoti reverendi in Christo patris domini Petri Transsiluanae ecclesiae episcopi annuimus fidelibus nostris honorabilibus viris dominis de capitulo ecclesiae Transsiluanae praedictae eisdemque auctoritate reginali omnimodam tribuimus facultatem simul et potestatem, ut iidem domini de capitulo a modo in antea de universis et singulis iobagionibus in quibusvis possessionibus ipsorum commorantibus nonam modo simili quo eadem nona a iobagionibus regalibus exigitur in specie seu in pecunia exigere, tollere valeant et levare et de eadem nona disponere sicut ipsis videbitur utilius expedire, mandantes et districte praecipientes fideli nostro vaivodae aut vicevaivodae pro tempore constitutis, quatenus eosdem dominos de capitulo in exactione nonae praelibatae modo quo supra ipsis indultae et commissae quovis quaesito ingenio aut colore non audeant quomodolibet impedire nostrae gratiae sub obtentu. Datum in Themeswar, in festo beati Johannis apostoli et evangelistae, anno domini M^mo CCC^mo. LXXX^mo nono.


a) Ausstellungsort im UB als: Temesvar.^{^}