Urkunde Nr. 1263 aus Band III

Seite im UB:

5-7 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 223), Nr. 1177 - Abt. 37: K. A. Reps [Parohia Ev. CA Rupea], Nr. 2.

Druckvorlage:

nach Original

Abdruck als:

Volltext

Sprache:

Latein

---

1263

1391 März 21 König Sigmund bekräftigt für Stephan, den Sohn Thomas' von Kleinkend, und Genossen die Urkunde des Königs Sigmund von 1387 Nr. »1222, ferner die Urkunde des Weissenburger [S. 6] Kapitels von 1388 Nr. »1224, enthaltend die Urkunde des Königs Sigmund von 1387 Nr. »1223, betreffend die Besitzungen Johannisberg und Walachischneudorf^a).

Von der Kanzlei: Relatio magistri Ladislai filii Petri de Sarow.

Sigismundus¹⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Cum benemeritis favor debitus impenditur et sinus dilectionis panditur fideliterque obsequentibus digna merces redditur, deus placari creditur fidelesque ad fidelitatis opera exercenda facilius excitantur. Proinde ad universorum notitiam harum serie volumus pervenire, quod fidelis noster magister Stephanus filius Thomae de Kendhyda sua ac Jacobi dicti Saas de Cybinio et Johannis filii Nicolai de Meggyes in personis in nostrae celsitudinis veniens conspectum exhibuit nobis quasdam duas literas patentes unam videlicet nostram secreto sigillo nostro consignatam super perennali collatione quarundam duarum possessionum nostrarum regalium Zentyanusfalua et Wyfalu nuncupatarum et aliam honorabilis capituli ecclesiae Transsiluanensis super legitima earundem statutione pro eisdem factis confectas tenorum subsequentium, supplicans exinde maiestati nostrae humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo pro ipsis ac eorum heredibus perpetue valituras dignaremur confirmare. Quarum unius ut puta nostrae patentis tenor is est. (Folgt die Urkunde des Königs Sigmund von 1387 Nr. »1222.) Alterius siquidem videlicet ipsius honorabilis capituli Transsiluanensis literae similiter patentis tenor talis est. (Folgt die Urkunde des Weissenburger Kapitels von 1388 Nr. »1224, enthaltend die Urkunde des Königs Sigmund von 1387 Nr. »1223.) Nos igitur humillimis, devotis et iuri consonis praefati magistri Stephani filii Thomae supplicationibus nominibus quibus supra nostrae per eum subiective oblatis maiestati benignitate regia exauditis et clementer admissis iam dictas duas literas nostram scilicet et annotati capituli ecclesiae Transsiluanensis patentes non abrasas, non cancellatas nec in aliqua earum parte vitiatas sed omni suspicionis et caliginis vitio prorsus destitutas, immo mera veritatis et sincera integritatis plenitudine praepollentes praesentibusque de verbo ad verbum sine diminutione et augmentatione aliquali insertas quoad omnes earum continentias, articulos, punctos et clausulas acceptamus, approbamus et ratificamus easque de benivolo consensu et beneplacita voluntate dominae Mariae reginae Hungariae consortis nostrae praecarae praelatorumque et baronum regni nostri unanimi consilio praematuro de mera regia auctoritate et potestatis plenitudine ac ex certa nostrae ma- [S. 7] iestatis scientia pro eisdem Stephano, Jacobo et Johanne eorumque heredibus et posteritatibus universis simul cum donatione memoratarum possessionum et legitima earundem statutione superius in praemissarum literarum tenoribus limpidius enodatis innovantes perpetue valituras confirmamus praesentis scripti nostri patrocinio mediante absque duntaxat praeiudicio iuris alieni. In cuius rei memoriam firmitatemque perpetuam praesentes concessimus eisdem literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris et domini, domini Johannis archiepiscopi ecclesiae Strigonyensis locique eiusdem comitis perpetui ac aulae nostrae et ipsius reginalis maiestatum eximii cancellari dilecti nostri et fidelis, anno domini M^mo CCC^mo nonagesimo primo, duodecimo Kalendas mensis Aprilis, regni autem nostri anno quinto.
Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et almae ecclesiae Quinqueecclesiensis gubernatore ac eodem domino Johanne ipsius ecclesiae Strigoniensis, Lodouico Colocensi, Petro Jadrensi, Andrea Spalatensi et altero Andrea Ragusiensi archiepiscopis, Johanne Waradiensi, Petro Transsiluano, Johanne Zagrabyensi, Stephano Cyko Agriensi, Johanne Jauriensi, Petro Wacyensi, Johanne Boznensi, Demetrio Wesprimiensi, Johanne Chanadiensi, Gregorio Nitriensi, Grisogono Traguriensi, Francisco Scardonensi, Paulo Tininjensi, Johanne Nonensi, Matheo Sibinicensi, Nicolao Corbauiensi et Johanne Senyensi ecclesiarum episcopis ecclesias dei feliciter gubernantibus. Magnificis viris Stephano regni nostri palatino et iudice Comanorum, Ladislao vaivoda Transsiluano et comite de Zonuk, comite Emerico Bubek iudice curiae nostrae, Detrico similiter Bubek regnorum Sclauoniae, Dalmaciae et Croaciae, Stephano de Losonch Machouiensi banis, Nicolao de Kanisa tavarnicorum, Leustachio de Ilswa ianitorum, Georgio de Chithnuk dapiferorum, Johanne de Peron pincernarum ac eodem domino Stephano palatino agasonum nostrorum magistris, Stiborio de Stiborchych comite Posonyensi aliisque quampluribus regni nostri comitatus tenentibus et honores.

^{a) Nachtrag UB I 764 statt: Zentyanusfalua und Wyfalu.}

1) Verlängerte Schrift. ^{^}