Urkunde Nr. 103 aus Band I

Seite im UB:

90-91

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

103

Orvieto [1264] März 13. Papst Urban IV. verleiht dem Archidiakon Joanche von Szathmar die Pfarre Winch.

Urbanus . . . . . dilecto filio magistro Joanche archidiacono de Sassvar¹⁾ in Ultrasilvana ecclesia salutem. Meritis laudabilis conversationis et vitae ac etiam literatis scientiae iuvari diceris, ut a benignitate sedis apostolicae specialem gratiam consequaris. In nostra siquidem constitutus praesentia retulisti, quod cum archidiaconatus tuus de Sassvar curam habens animarum annexam sic in ultima parte regni Ungariae constitutus ita quod inter eum et regionem Tartarorum nulla hominum habitatio prorsus existat, venerabilis frater noster . . episcopus Ultrasilvanus paterno affectu considerans quod tu de redditibus archidiaconatus eiusdem utpote non excedentibus valorem annuum novem marcarum argenti commode non poteras sustentari, parochialem ecclesiam seu plebaniam de Winch suae diocesis curam habentem animarum, tunc vacantem nullique alii de iure debitam tibi prout spectabat eam duxit canonice conferendam. Quia vero fructus seu proventus ipsius ecclesiae vel plebaniae, sicut asseris, septem marcarum argenti annuam valentiam vix excedunt, nos intuitu carissimi in Christo filii nostri Belae Ungariae regis illustris, cuius in te nuncio suo volumus honorare personam tuis supplica- [S. 91] tionibus annuentes, ut veris existentibus supra dictis, eisdem archidiaconatum et ecclesiam seu plebaniam licite ac libere valeas retinere, non obstante constitutione concilii generalis, te cum auctoritate apostolica dispensamus, ita tamen quod archidiaconatus et ecclesia seu plebania praedicta debitis non fraudentur obsequiis et animarum cura in eis nullatenus negligatur. Nulli ergo . . . . Datum apud urbem Veterem, tertio Idus Martii, anno III^o.


1) Sassvar, Szászváros = Broos, war bekanntlich kein Archidiakonat. Es wird hier Szathmar zu lesen sein, für welches die Stelle sic in ultima parte regni Ungariae constitutus ita, quod inter eum et regionom Tartarorum nulla hominum habitatio prorsus existat spricht, wärend dies von Broos nicht hätte gesagt werden können. Ein magister Joannes arohidiaconus de Zathmar wird zu dem Jahr 1268 urkundlich genannt von Stephan als rex iunior, Orig. Konventarchiv Lelesz. Sieh Magyar történelmi tár IX, 103. ^{^}