Urkunde Nr. 1289 aus Band III

Seite im UB:

41-42 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1289

Diósgyőr 1392 April 15 ^b) König Sigmund beauftragt das Weissenburger Kapitel bei der Einführung der Söhne Pauls von Baczkamadaras und Genossen in den Besitz von Kleinalisch mitzuwirken.

Sigismundus dei gratia rex Hungariae, Dalmaciae, [Croaciae]²⁾ et cetera ac marchio Brandemburgensis et cetera fidelibus suis capitulo ecclesiae Albensis Transsiluanae salutem et gratiam. Quia nos fidelibus [nostris Emerico et Demetrio]³⁾ filiis Pauli de Bachkamadaras ac Jacobo, Stephano, Gallo et Ladislao filiis [eiusdem Emerici quandam]⁴⁾ possessionem nostram Kyzsewlews vocatam, in comitatu Kykullew existentem cum omnibus suis pertinentiis pro fidelibus ipsorum servitiis per alias literas nostras novae nostrae donationis titulo contulimus et donavimus ipsosque ad eandem statui⁵⁾ facere velimus regni consuetudine requirente, fidelitati igitur vestrae mandamus, quatenus vestrum mittatis hominem pro testimonio fide dignum, quo praesente Jacobus filius Petri de Almas vel Bartha filius Myke de Mykefalua an Stephanus de Darlas sin Paulus filius Jacobi de Somog sive Anthonius filius Johannis de Zenthkyral aliis⁶⁾ absentibus homo noster ad faciem dictae possessionis vicinis et commetaneis suis⁷⁾ universis inibi legitime convocatis et praesentibus accedendo statuat praedictam possessionem praefatis nobilibus praemissae nostrae novae donationis titulo perpetuo possidendam, si non fuerit contradictum. Contradictores vero si qui apparuerint, citent eos in praesentiam vaivodae Transsiluani ad terminum competentem. Et post haec ipsius statutionis seriem cum nominibus⁸⁾ contradictorum et [S. 42] citatorum, siqui apparuerint, terminoque assignato dicto vaivodae solito more rescribatis. Datum in Dyosgewr, secundo die festi Pascae, sub sigillo dominae Mariae reginae Hungariae consortis nostrae carissimae propter absentiam canuellarii nostri, anno domini M^o CCC^o nonagesimo secundo.

Auf der Rückseite Adresse: [Fidelibus suis ca]pitulo ecclesiae Albensis [Tr]anssiluanae.

Statutoria.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-8 auf S. 41 (1 zu voranstehender Urkunde).^{^}
b) Ausstellungsort im UB als: Diosgyör.^{^}

2) Schrift geschwunden. ^{^}
3) Schrift geschwunden, 3.6 Centimeter breit. ^{^}
4) Desgleichen, 3.1 Centimeter. ^{^}
5) Vorlage: satui.^{^}
6) l gebessert aus: d.^{^}
7) Hierauf durchgestrichen: inibi.^{^}
8) Hierauf durchgestrichen: citatorum et.^{^}