Urkunde Nr. 1323 aus Band III

Seite im UB:

83-84 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1323

Kokelburg 1394 Mai 22 Peter, Vizewoiwode von Siebenbürgen, ersucht das Weissenburger Kapitel, bei der Einführung des gewesenen Comes der Szekler Nikolaus, Sohn Desew's, in die Besitzung Johannisdorf und deren Zubehör mitzuwirken. [S. 84]

Amicis suis reverendis capitulo ecclesiae Transsiluanae magister Petrus filius Georgii de Vereb vicevaivoda Transsiluanus amicitiam paratam cum honore. Dicitur nobis in persona magnifici viri domini Nicolai filii Desew quondam comitis Siculorum, quod quaedam possessio eiusdem Zenthywan vocata et eiusdem pertinentiae per quondam Ladislaum filium Emerici¹⁾ ex consensu regiae maiestatis perpetuo donatae et collatae nunc apud manus alienas occupative habitae legitima recaptivatione et eidem statui factione plurimum indigerent. Super quo vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente Barcha filius Myke de Kapolna vel Gregorius filius Nicolai de Dalyan aut Jacobus filius eiusdem sin Sebastianus de eadem Dalyan sive Mathyas de Koldow aliis absentibus homo noster ad faciem memoratae possessionis Zenthyvan vocatae et suarum pertinentiarum vicinis et commetaneis ipsarum universis inibi legitime convocatis et praesentibus accedendo recapiat ipsam et suas pertinentias nomine iuris memorati domini Nicolai quondam comitis Siculorum recaptivatasque et ab aliorum iuribus possessionariis separatas et distinctas statuat eandem cum suis pertinentiis ipsi domino Nicolao iure sibi incumbenti perpetuo possidendas, si non fuerit contradictum. Contradictores vero si qui fuerint, citet ipsos contra annotatum dominum Nicolaum nostram in praesentiam ad terminum competentem rationem contradictionis eorum reddituros. Et post haec ipsius possessionariae recaptivationis et statutionis seriem cum nominibus contradictorum et citatorum si qui fuerint terminoque assignato nobis amicabiliter rescribatis. Datum in Kykyllewar, feria sexta proxima ante dies rogationum, anno domini millesimo CCC^mo nonagesimo quarto.


a) Seitenumbruch nach Kopfregest.^{^}

1) Hierauf: filii.^{^}