Urkunde Nr. 1448 B aus Band II

Seite im UB:

256-256 ^a)

Heute in:

Budapest, Bibliothek der Eötvös-Loránd-Universität [Eötvös Loránd tudományegyetem könyvtára]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1448 B

Rom bei St. Peter [1399] November 14 Papst Bonifaz IX. bestätigt die dem Graner Erzbischof bezüglich mehrerer Klöster, Propsteien, Dekanate und Kirchen zustehenden Jurisdiktionsbefugnisse und sonstigen Rechte.

Bonifacius episcopus servus servorum dei ad perpetuam rei memoriam. Ex iniuncto nobis a domino apostolicae servitutis officio ad ea, per quae status ecclesiarum praesertim metropolitanarum ac praelatorum illis praesidentium salubriter dirigi eorumque iura et iurisdictiones illaesa valeant conservari, sollicitis studiis intendimus et iis, quae pro ecclesiarum et praelatorum huiusmodi honore et commoditatibus provide facta sunt, ut illibata persistant, libenter cum a nobis requiritur adiicimus apostolici muniminis firmitatem. Nuper siquidem ad nostram notitiam fuit deductum, quod de antiqua et approbata et hactenus pacifice observata consuetudine Pechwaradiense et Saxardiense ²⁾ ac de Batha et de Feldwar necnon de Kolosmonostra ac sancti Andreae de iuxta Gron Wissegrad et sancti Gerardi de Chenadino et Thikoniense ac Simigiense necnon Zaladiense ³⁾ et sancti Jok ⁴⁾ ac de Beel necnon de Sambok et de Chuth ac sanctae crucis de Lelez ac de Jazow ac sancti Stephani de promontorio Waradiensi sancti Benedicti et Praemonstratensis ordinum monasteria, necnon Demesiensis et Titulensis ac Orodiensis et veteris Budensis ac Cibiniensis collegiatarum ecclesiarum praepositurae, necnon sanctae Mariae virginis ⁵⁾ et ⁵⁾ sanctae ⁵⁾ Mariae ⁵⁾ Magdalenae de castro et sancti Petri martyris necnon sancti Gerardi de suburbio oppidi Budensis alias Noui montis Pestiensis et ⁵⁾ Pestiensis ac ⁵⁾ Vaciensis ac de Kessew ⁶⁾ ac de Wrs prope Budam et de Sasad ac de ⁵⁾ Alba ecclesia, sanctae Mariae prope veterem Budam ac de Kameriensi et de Wissegradiensi ac de Nagypatakiensi ⁷⁾ et de Apathasomlyo necnon de Papa ac de Leweld et de Segesdino ac de Vyhely et de ⁵⁾ Lamberthaza ac de Zeleus et de Aranyos et de Bereg et de Nemti parochiales ecclesiae, ac Cibiniensis prae- [S. 256] dictae et Brassouiensis ecclesiarum decanatus, Quinqueecclesiensis, Wesprimiensis, Agriensis, Varadiensis, Transyluaniensis, Colocensis, Chanadiensis et Jauriensis diocesum ¹⁾ cum certis parochialibus ecclesiis et plebaniis ao decanatibus, quorum nomina praesentibus haberi volumus pro expressis, in dicta Transyluaniensi olim Argensi diocesi et alias ubilibet consistentibus praedictis decanatibus immediate subiectis sub omnimoda iurisdictione in spiritualibus archiepiscopi Strigoniensis pro tempore existentis pleno iure fore dignoscuntur, et quod praelati et personae monasteriorum ac praepositurarum, decanatuum et ecclesiarum praedictorum ²⁾ nullum alium praeter dictum archiepiscopum in eorum ³⁾ superiorem habere et recognoscere et eidem archiepiscopo tamquam eorum immediato superiori et nulli alteri obedientiam et reverentiam debitas exhibere, et ad synodum eiusdem archiepiscopi, quoties illam per ipsum archiepiscopum celebrari contigerit, accedere et pro procurationibus legatorum ac provisionibus nunciorum sedis apostolicae persolvendis ac aliis oneribus supportandis contributionem debitam facere consueverunt, quodque tam venerabilis frater noster Joannes quam praedecessores sui archiepiscopi ⁴⁾ Strigonienses, qui fuerunt ⁵⁾ pro tempore, in pacifica possessione vel quasi iuris exercendi superioritatem et iurisdictionem huiusmodi in monasteria, praeposituras, decanatus et ecclesias praedicta eorumque personas et loca a tanto tempore exstiterant, cuius contrarii memoria non existit. Nos igitur, qui de praemissis plenanam recepimus informationem, ne praefatum Joannem et eius successores archiepiscopos Strigonienses, qui erunt pro tempore, in ⁴⁾ iurisdictione et superioritate huiusmodi in posterum molestari contingat, motu proprio, non ad alicuius super hoc nobis oblatae petitionis instantiam, sed de nostra mera liberalitate et ex certa scientia consuetudinem eandem, sicut ab olim laudabiliter introducta et hactenus pacifice observata exstitit, et quaecumque ⁶⁾ inde secuta rata habentes et grata ea ⁷⁾ auctoritate apostolica laudamus, approbamus et confirmamus et praesentis scripti patrocinio communimus, supplentes omnes defectus, si qui forsan intervenerint in eisdem, ac nihilominus motu simili consuetudinem praefatam in sui roboris firmitate perpetuis temporibus futuris inviolabiliter perdurare volumus, decernimus et mandamus apostolicis ac etiam provincialibus et synodalibus et aliis in contrarium editis seu edendis constitutionibus et aliis contrariis non obstantibus quibuscumque, et insuper ex nunc irritum decernimus et inane, si secus super his a quoquam quavis auctoritate scienter vel ignoranter contigerit attentari. Nulli ergo hominum liceat hanc paginam nostrae laudationis, approbationis et confirmationis, communitionis, suppletionis, voluntatis, constitutionis infringere vel ei ausu temerario contraire. Si quis autem hoc attentare praesumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Romae apud sanctum Petrum, XVIII. Kalendas Decembris, pontificatus nostri anno XI.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-7 auf S. 255 (1 zu voranstehender Urkunde), 1-7 auf S. 256.^{^}
[S. 255]
1) Vorlage: nequeat.^{^}
2) Vorlage: Pechwaradiensis et Saxardiensis.^{^}
3) Vorlage: Thikoniensis ac Simigiensis necnon Zaladiensis.^{^}
4) Vorlage: Job.^{^}
5) Fehlt in der Vorlage. [8x]^{^}
6) Vorlage: Kesserew.^{^}
7) Vorlage: Nagypatakien. -- Scilicet: civitatibus.^{^}
[S. 256]
1) Vorlage: diocesis.^{^}
2) Vorlage: praedictarum.^{^}
3) Vorlage: eo.^{^}
4) Fehlt in der Vorlage. [2x]^{^}
5) Vorlage: fuerint.^{^}
6) Vorlage: quacumque.^{^}
7) Vorlage: ex.^{^}