Urkunde Nr. 1466 aus Band III

Seite im UB:

274-275 ^a)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1466

Rom bei St. Peter [1402] April 23 Papst Bonifaz IX. verleiht der Marienkirche von Birthälm einen Ablassbrief mit den gleichen Freiheiten, welche die Marienkirche von Aachen besitzt, und ermächtigt den Pfarrer von Birthälm, unter Beihilfe von vier Messpriestern an den Ablasstagen die Beichte zu hören und Absolution zu erteilen.

Bonifatius et cetera universis Christi fidelibus praesentes literas inspecturis salutem et cetera. Dum praecelsa meritorum insignia et cetera.¹⁾ Cupientes igitur, ut ecclesia parochialis in Byrthelm²⁾ Transiluanensis diocesis in honorem et sub vocabulo eiusdem beatissimae virginis Mariae fundata et constructa congruis honoribus frequentetur et etiam conservetur, et ut fideles ipsi devotionis causa eo libentius confluant ad eandem et ad eius conservationem et fabricam manus promptius porrigant adiutrices, quo ex hoc ibidem dono caelestis gratiae uberius conspexerint se refectos, de omnipotentis dei misericordia et beatorum Petri et Pauli apostolorum eius auctoritate confisi omnibus vere poenitentibus et confessis, qui in octavo die Paschae et duobus immediate sequentibus diebus ecclesiam ipsam annuatim devote visitaverint et ad fabricam et conservationem eiusdem ecclesiae manus porrexerint³⁾ adiutrices, ut praefertur,⁴⁾ illam indulgentiam et remissionem peccatorum auctoritate apostolica tenore praesentium concedimus, quae visitantibus ecclesiam beatae Mariae virginis de Aquisgrana Leodiensis⁵⁾ diocesis per nos et Romanos pontifices praedecessores nostros quomodolibet est concessa. Et nihilominus ut fideles ipsi indulgentiam huiusmodi uberius consequi possint, rectori dictae ecclesiae pro tempore existenti, ut ipse et quatuor presbyteri idonei saeculares vel regulares per ipsum rectorem ad haec deputandi confessiones omnium et singulorum Christi fidelium causa dictae indulgentiae assequendae ad ipsam ecclesiam confluentium per praedictos tres dies continuos auctoritate praedicta audire et ipsorum confessionibus diligenter auditis eis pro commissis debitam absolutionem impendere et iniungere pro modo culpae poenitentiam salutarem,⁶⁾ nisi talia forent, propter quae sedes apostolica sit merito consulenda, auctoritate praedicta [S. 275] licentiam elargimur, praesentibus perpetuis futuris temporibus duraturis. Nulli ergo et¹⁾ cetera¹⁾ nostrae concessionis infringere et²⁾ cetera.²⁾ Si quis et cetera. Datum Romae apud sanctum Petrum, nono Kalendas Maii, anno tertio decimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-6 auf S. 274, 1-2 auf S. 275.^{^}
[S. 274]
1) So Vorlage. -- Satzbau unvollständig. ^{^}
2) Abschrift a. a. O.: Birchelm.^{^}
3) Abschrift a. a. O.: porrigant.^{^}
4) So Abschrift a. a. O. -- Vorlage: praescitur.^{^}
5) So Abschrift a. a. O. -- Vorlage: Leodicensis.^{^}
6) Scilicet: possint.^{^}
[S. 275]
1) So Abschrift a. a. O. - Vorlage: drei Punkte. [2x]^{^}
2) So Abschrift a. a. 0. - Vorlage: zwei Punkte. [2x]^{^}