Urkunde Nr. 1613 aus Band III

Seite im UB:

460-461

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) - Familienarchiv Teleki zu Neumarkt (Családi levéltárak, Teleki család, marosvásárhelyi)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1613

Hermannstadt 1408 April 8 Pipo, Comes von Temes, bezeugt, dass Mathias Baldi von Hermannstadt sein Haus auf dem Grossen Ring in Hermannstadt für eigenes Geld gekauft und ausgebessert hat.

Nos Pipo de Ozora Themesiensis et camararum salium regalium comes ad cunctorum notitiam harum serie volumus pervenire literarum, quod circumspectus et idoneus vir Mathias Baldi civis civitatis Cybiniensis partis Transsiluanae honorem seu officiolatum camerariatus salifodinae de Wyzakna nostro scilicet et aliorum comitum camerarum salium regalium nostrorum ut puta antecessorum temporibus a dudum tenuit et servavit et veluti bonae sagacitatis et conscientiae vir omnimodam procurationem negotii et dispensationis ipsorum salium per antecessores nostros comites et consequenter per nos fideliter et sollerter fecisse compertus est et existit de praesenti, immo et totius conversationis suae moras inter homines iam dictarum partium Transsiluanaruin ad commendabilis famae titulos erexit sine querela adeo, ut iam secundis filiarum civium de civitate Cibiniensi praedicta potiorum ut puta prius bonae memoriae Dorotheae filiae Jacobi senioris proconsulis, nunc autem laudabilis feminae Katherinae filiae piae recordationis Johannis iudicis regii nuptiis potiatur. Quorum quidem meritorum occasione, ut videlicet contoralis sua consors simul cum liberis, si quos forsitan deus misericors sibi daret, inibi malitia temporis exigente non solum tuta ab hostibus verum et laeta cum parentibus pro tempore habitaret, quandam domum lapideam in Maiori circulo vulgariter Kornmargt appellato in praefata civitate Cibiniensi inter domos scilicet Francissci renovatoris a dextris et Marci cusoris monetarum a sinistris sitam non de bonis regalibus sed de suis propriis rebus et bonis pro se et suis heredibus et posteritatibus pure devolvendam ab ecclesia parochiali Cibiniense¹⁾ emit et legaliter comparavit. Quam etiam domum sic comparatam, cum prius nimis defectuosa²⁾ et ruinosa existeret, iterum de suis propriis et non regalibus bonis seu pecuniis reaedificavit ac restauravit et in statum et formam debitam reformavit, eandem quoque [S. 461] domum lapideam et nos ipsi ipsa magistra rerum efficaci experientia, quae cuilibet artificio praebet incrementum, ipsum magistrum Mathiam non de bonis regalibus sed absolute de suis rebus propriis emisse et reaedificasse didicimus, comperimus atque scimus. In cuius rei evidentiam, ne ipse magister Mathias vel sui successores per comites camararum salium regalium pro tempore constitutos in dicta domo sua aliquatenus calumniari valeat, praesentes nostras literas sub pendenti nostro authentico sigillo ad uberiorem cautelam duximus eidem magistro Mathiae concedendas. Datum Cibinii praedicta, in dominica Ramispalmarum, anno domini millesimo quadringentesimo octavo.


1) Vorlage: Ciben.^{^}
2) Vorlage: defctuosa.^{^}