Urkunde Nr. 1621 aus Band III

Seite im UB:

467

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 150.

Druckvorlage:

nach Original

Abdruck als:

Volltext

Sprache:

Latein

---

1621

Kronstadt 1408 Dezember 8 Ladislaus, erzbischöflicher Visitator, bezeugt, dass er die Kirchen und die Geistlichen des Kronstädter Dekanates den Anforderungen der Canones und Statuten in Allem entsprechend vorgefunden hat.

Nos Ladislaus archidiaconus Nitriensis et canonicum in ecclesia Strigoniensi, cancellarius archiepiscopalis, visitator, corrector et reformator ecclesiarum et monasteriorum tam regularium quam saecularium, eorundem collegiorum et conventuum aliorumque piorum locorum in Waradiensi, Chanadiensi et Transiluana diocesibus constitutorum, ad iurisdictionem ecclesiae Strigoniensis spectantium decanatuumque Brassouiensis et Cybiniensis dictae diocesis per reverendissimum in Christo patrem et dominum, dominum Johannem archiepiscopum Strigoniensem locique eiusdem comitem perpetuum et apostolicae sedis legatum specialiter deputatus notificamus omnibus et singulis praesentem paginam inspecturis, quod cum nos iuxta decretum, commissionem et mandatum praefati reverendissimi in Christo patris domini Johannis archiepiscopi domini nostri gratiosissimi ofticium nostrae visitationis secundum formam ac capitula et articulos nobis traditos in praedicto decanatu Brassouiensi executi fuissemus et totum illum districtum ac singulas ecclesias visitando perlustrassemus, ordinante deo, qui omnia pro sui nutu disponit et gubernat cuiusque providentia in sui dispositione non fallitur, invenimus generaliter omnes et singulariter singulas ecclesias parochiales eiusdem decanatus per honorabiles viros dominos rectores earundem salubriter, ordinate et iuxta scita canonum et statuta sanctae matris ecclesiae tam in sacramentorum collatione et administratione quam in eorundem custodia et conservatione ac parochianorum admonitione¹⁾ et in singulis aliis articulis feliciter²⁾ et²⁾ debite gubernari et teneri, ipsos nihilominus dominos plebanos et singulariter singulos vita et conversatione³⁾ laudabiles, modestos et in omni eorum statu irreprehensibiles et commendabiles. Unde nos huiusmodi eorundem vitam et famam in domino commendantes pro ipsorum gloria et honore et digna recommendatione praesentes literas nostras eisdem duximus concedendas. Datum Coronae in dote domini plebani de Corona, sub anno domini M^mo CCCC^mo octavo, indictione prima, octava die mensis Decembris. [S. 468]


1) oni auf Rasur. ^{^}
2) Über der Zeile nachgetragen. [2x]^{^}
3) Vorlage: conservatione.^{^}