Urkunde Nr. 1671 aus Band III

Seite im UB:

519-520

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.II, Nr. 655.

Druckvorlage:

nach Original

Abdruck als:

Volltext

Sprache:

Latein

---

1671

Kaschau 1412 März 23 König Sigmund richtet an die Kronstädter einen Erlass, betreffend das zu Gunsten der Hermannstädter bestehende Verbot gegen die Weiterreise der ausser siebenbürgischen Kaufleute nach der Walachei.

[S. 520] Sigismundus dei gratia Romanorum rex semper augustus ac Hungariae et cetera rex fidelibus nostris iudici iuratisque civibus in Braschowia salutem et gratiam. Gravi querimonia fidelium nostrorum universorum mercatorum de Cibinio ad nostrae serenitatis pervenit auditum, quod licet ipsi tales libertates et gratias a serenissimo principe domino Lodouico rege Hungariae bonae memoriae patre nostro carissimo habuerint, quod nulli mercatorum extra partes Transsiluanas existentes cum rebus et mercimoniis ipsorum per dictas partes Transsiluanas procedentes ultra Braschowiam praedictam ad partes Transalpinas transire praesumant, prout hoc idem in literis domini Lodouici praedicti atque nostris plenius continetur, tamen vos contemnentes dictas literas domini Lodouici et nostras eosdem mercatores ulterius ad partes Transalpinas cum mercimoniis ipsorum transire permittitis in grande ipsorum mercatorum nostrorum de Cybinio praeiudicium et damnum satis magnum. Cumque intentionis nostrae etiam firmatae omnino existat ipsas literas domini Lodouici atque nostras in suo robore et firmitate solida permanere, nec eas per quempiam velimus cernere violari, fidelitati vestrae firmissimo regio praecipimus sub edicto, quatenus in antea praefatos mercatores Extrasiluanos cum mercimoniis ipsorum in vestri medium venientes contra praemissas libertates memoratorum mercatorum de Cybinio ulterius ad partes Transalpinas procedere nullatenus permittatis, sed eos potius ad instantiam dictorum mercatorum de Cybinio arestando in eorum utiliori¹⁾ transitu impedire efficaciter debeatis. Aliud igitur in praemissis pro nostra gratia facere non ausuri. Alioquin si praedictos cives seu mercatores nostros de Cybinio²⁾ nobis super praemissis querulari contingeret, vos taliter puniri faciemus in posterum, quod vos mandata nostra violasse poenitebit. Praesentes autem post lecturam reddi volumus praesentanti. Datum Cassouiae, feria quarta proxima post Judica, anno domini M^o CCCC^o duodecimo, regnorum nostrorum Hungariae et cetera anno vicesimo quinto, Romanorum vero secundo.


1) So Vorlage. - Richtig wohl: ulteriori.^{^}
2) Vorlage: Cybino.^{^}