Urkunde Nr. 1674 aus Band III

Seite im UB:

522-523 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 23.

Druckvorlage:

nach Original

Abdruck als:

Volltext

Sprache:

Latein

---

1674

Gran 1412 April 26 Matheus, Vikar des Graner Erzbischofs, verleiht Henricus, dem Pleban von Zeiden und Dekan von Kronstadt, beziehungsweise den Geistlichen des Kronstädter Dekanates Vollmacht, betreffend die Beichte und Busse und die Sacri liquores Chrisma und Öl, betreffend ferner die Ordination der Geistlichen und sonstige Amtshandlungen.

Matheus de Vicedominis de Placencia utriusque iuris doctor, archidiaconus Nitriensis et canonicus in ecclesia Strigoniensi necnon reverendissimi in Christo patris et domini, domini Johannis dei et apostolicae sedis gratia archiepiscopi Strigoniensis et dictae sedis legati et cetera vicarius in spiritualibus et causarum auditor generalis nobis in Christo sincere dilecto²⁾ honorabili viro domino Henrico plebano de Cydino et decano Brassouiensi Strigoniensis diocesis salutem et mutuam in domino caritatem. Sancta mater ecclesia de salute animarum sollicita lapsibus humanis succurrere cupiens poenitentiae remedium adinvenit, ut qui regenerationis dona per culpam [S. 523] violassent, proprio se iudicio condemnantes ad remissionem criminum possint pervenire. Sane volentes vos esse tam in plebanatu quam decanatu vestris praedictis ceterosque plebanos in eodem constitutos vestris praedictis medicos animarum, vobis et eisdem hoc a nobis humiliter petentibus concedimus gratiose, ut utriusque sexus homines cuiuscumque conditionis existant parochianos vestros et eorundem confessiones audiendi poenitentiasque salutares eisdem imponendi ac ipsos per vos aut alium seu alios idoneum seu idoneos presbyterum [seu] presbyteros, quem et quos ad hoc duxeritis eligendum vel eligendos, in casibus etiam episcopalibus et sanctae sedi Strigoniensi reservatis a[uctoritat]e eiusdem domini nostri archiepiscopi absolvendi et pro modo culpae poenitentias salutares iniungendi plenam et omnimodam habeatis et habeant facultatem exceptis duntaxat casibus adeo gravibus et enormibus, super quibus merito videretur et esset dicta sedes consulenda, in quibus vestram et eorundem conscientias oneramus in hac parte. Sacramenta quoque sacrorum liquorum chrismatis videlicet et olei saluti populorum necessaria offerre¹⁾ et a quocumque antistite catholico communionem sanctae matris ecclesiae habente ordines recipere et recipi concedi clericis idoneis dictus dominus decanus habeat potestatem ac alia facere, quae more alias solito apud vos et eosdem fratres consueverunt. Volentes tamen, quod quilibet sacerdotum, plebanorum praedictorum licentias confessiones in dictis casibus episcopalibus audiendi et absolvendi impetrare teneatur a decano praenotato. Praesentibus usque festum sancti Adalberti martyris et pontificis duntaxat nunc venturum²⁾ valituris. In quorum fidem et testimonium praesentes literas nostras fieri et nostri minoris sigilli impressione muniri fecimus. Datum Strigonii, feria tertia proxima post festum beati Marci evangelistae, anno domini millesimo quadringentesimo duodecimo.

Vom Schreiber der Urkunde: Conradus notarius.

Vom Schreiber der Urkunde: Solvit florenos nonaginta³⁾ quinque.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 522 (1 zu voranstehender Urkunde), 1-3 auf S. 523.^{^}
[S. 522]
2) Hierauf: nobis nobis in Christo.^{^}
[S. 523]
1) o im Riss.^{^}
2) 1413 April 23.^{^}
3) Vorlage: no.^{^}