Urkunde Nr. 1705 aus Band III

Seite im UB:

561

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

1705

Apahida 1413 Februar 1 Die Komitatsoberrichter von [Kolocsch /] Kolozs bezeugen, dass seitens des Abtes Henricus und des Konventes von Kolozsmonostor gegen Johann von Doboka und Genossen Einsprache erhoben worden ist, betreffend den Verkauf einer auf Kolozsmonostorer Gebiet befindlichen Mühle an Michael Sertew von Klausenburg.

Nos Benedictus Choronk de Papfalwa et Thomas de Dezmer iudices nobilium comitatus de Clus memoriae commendamus, quod cum feria quarta proxima ante festum purificationis virginis gloriosae¹⁾ una cum nobilibus comprovincialibus dicti comitatus pro faciendo moderativo iudicio causantibus in sede nostra iudiciaria existentibus vir religiosus frater Andreas custos monasterii beatae virginis de Clusmonstra pro parte religiosorum virorum domini Henrici abbatis et conventus dicti monasterii in nostram et dictorum nobilium comprovincialium exsurgens praesentiam nobis declaravit protestando, quod sicuti iidem dominus abbas et conventus percepissent et a certo forent informati, Johannes de Doboka et quondam Michael de Sombor, item similiter quondam Michael de Kalyan et alter Michael dictus Cheh de Rewd his proxime elapsis disturbiorum temporibus harum partium Transsiluanarum quoddam molendinum dicti monasterii in territorio possessionis eiusdem Clusmonstra praedictae in fluvio Vizzamus decurrens, quod tunc erga manus quondam Pauli Chemeche dicti civis de Cluswar titulo feudali uti asseritur exstitisset, Michaeli dicto Sertew consimiliter civi de eadem Cluswar perenniter vendidissent et ab eodem monasterio alienassent huiuscemodique venditioni quondam religiosus vir dominus Paulus abbas eiusdem monasterii consensum benivolum praebuisset et assensum in praeiudicium iuris dicti monasterii et damnum valde magnum. Qua protestatione facta praedictos Johannem de Doboka ac Michaelem de Sombor, Michaelem de Kalyan et alterum Michaelem Cheh et alios quoslibet ab huiusmodi venditione praedictumque quondam dominum Paulum abbatem suae²⁾ huiusmodi consensum praedictae praebuisset²⁾ venditioni, praeallegatum vero Michaelem Serthew et alios quoslibet ab emptione, occupatione, tentione fructuumque et utilitatum dicti molendini perceptione seque cuiusvis coloris titulo in dominium eiusdem intromissione quoquomodo factis vel fiendis prohibuit coram nobis. Datum in Apathyda, termino praenotato, anno domini M^mo CCCC^mo tredecimo. [S. 562]


1) Februar 1. ^{^}
2) So Vorlage. [2x]^{^}