Urkunde Nr. 1706 aus Band III

Seite im UB:

562-563

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1330 - Abt.50: K. A. Burgberg [Parohia Ev. CA Vurpăr], Nr. 2.

Druckvorlage:

nach Original

Abdruck als:

Volltext

Sprache:

Latein

---

1706

Hermannstadt 1413 Februar 18 Der Rat von Hermannstadt entscheidet den Streit zwischen der Gemeinde Burgberg und dem Comes Andreas von Burgberg, betreffend die Mühlen und anderweitige Nutzungen auf Burgberger Hattert, zu Gunsten der Gemeinde Burgberg.

Nos consules universi quoque cives civitatis Cybiniensis notum facimus cum praesentibus recognoscendo omnibus tam praesentibus quam futuris praesentia habituris, quod nobis simul in nostro constitutis consistorio in nostri venientes conspectum providi viri villicus Tyl Placz in daz gwt cum pluribus bene meritis senioribus de villa Burchberch pro se et totius communitatis de eadem villa in personis parte ab una cum querela proponentes contra providum virum Andream comitem de eadem villa Burchberch tamquam iudicialiter attractum sub hac forma, quomodo dum ipsi territorio in eorum circa aquarum meatus nonnulla molendina atque piscinas ipsis molendinis annexas vel alibi vel alias communitatis fructus construere niterentur, ex tunc ipse Andreas comes pluribus ipsos impedivisset vicibus, immo de praesenti eos impediret nulla tamen iustitia mediante atque sibi succurrente, supplicantes ipsis de iustitiae remedio providere ac in eadem conservare. Quare nos secundum ipsorum seniorum de villa praenominata querelam a praetacto comite Andrea causam quaesivimus impeditionis. Qui comes Andreas eatenus respondere curavit, quod quarta pars omnium molendinorum atque piscinarum tam constructorum quam construendorum, in eiusdem villae Burchberch territorio existentium atque situandorum ad ipsum iure successionis atque hereditario esset divoluta, spondens¹⁾ se velle²⁾ cum literarum privilegiatarum testimonio perhibere. Et pro huius testimonii demonstratione terminum quatuordecem dierum partibus ambabus praefiximus assignando. Termino autem praefixo veniente partes ambae comparere studuerunt, ac ipse comes Andreas eius verba ut supra proposita minime potuit edocere. Quare nos deum atque iustitiam prae oculis habentes atque ambarum partium propositionibus et responsionibus auditis praefatam litis materiam decisive sententiando iudicavimus praetactum comitem Andream nullam habere partem simpliciter in omnibus molendinis constructis atque construendis in praelibatae villae Burchberch territorio. Unde plenam dedimus atque damus facultatem praetactae villae Burchberch communitati molendina unum vel plura atque piscinas atque aliorum fructuum genera [S. 563] eorum in territorio aedificandi, construendi ad omnem eorum nutum contradictione qualibet ipsius comitis Andreae non obstante, testimonio praesentium mediante. Datum Cybinii, die Sabbatis proximo ante festum sancti Petri ad cathedram, anno domini millesimo CCCC^mo XIII^mo.


1) Vorlage: spospondens.^{^}
2) Vorlage: ville.^{^}