Urkunde Nr. 1712 aus Band III

Seite im UB:

568

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 124.

Druckvorlage:

nach Original

Abdruck als:

Volltext

Sprache:

Latein

---

1712

Udine 1413 April 24 König Sigmund befiehlt der Gemeinde Rotbach, der Marktgemeinde Marienburg für den dieser am Waldbesitz zugefügten Schaden Genugthuung zu bieten.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris universis civibus hospitibus seu populis de Weresmort salutem et gratiam. In personis universorum civium hospitum seu populorum nostrorum de Feldwar nostrae datur intelligi maiestati gravi sub querela, quomodo vos silvam ad dictam civitatem nostram Feldwar spectantem penitus succidissetis et annihilassetis, succidi et annihilari ad plurimas eorundem civium et hospitum prohibitiones faceretis indesinenter, in quo ipsis¹⁾ sexingentorum florenorum damna intulissetis in ipsorum grande praeiudicium et detrimentum non modicum. Et quia nos dictis civibus et hospitibus nostris de Feldwar per vos super praemissis damnis omnimodae indilataeque satisfactionis complementum impendi et exhiberi volumus, ideo fidelitati vestrae firmo nostro regio sub edicto praecipientes mandamus,²⁾ quatenus habitis praesentibus ampliori nostro mandato superinde non exspectato de praemissis damnis per vos ut praefertur illatis ipsis civibus et hospitibus nostris de Feldwar omnimodam indilatamque satisfactionem impendere et exhibere debeatis. Alioquin si secus feceritis quod non credimus, ex tunc commisimus et serie praesentium firmiter committimus iudici, iuratis et universis civibus nostrae cavitatis Brassouiensis, ut ipsi vos ad praemissa facienda cum vestris gravaminibus et damnis artius compellant et astringant nostrae maiestatis in persona aequitate suadente. Secus pro nostra gratia facere non ausuri. Praesentes quoque perlectas reddi edicimus praesentanti. Datum Vtini, in festo beati Georgii³⁾ martyris, anno domini M^mo quadringentesimo XIII, regnorum nostrorum anno Hungariae et cetera XXVIIo, Roman[orum v]ero⁴⁾ tertio.


1) Hierauf durchgestrichen: ad.^{^}
2) Fehlt in der Vorlage.^{^}
3) Unter der Zeile nachgetragen.^{^}
4) Vom Siegel bedeckt.^{^}