Urkunde Nr. 1729 aus Band III

Seite im UB:

590-591 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1979.

Druckvorlage:

nach Original

Abdruck als:

Volltext

Sprache:

Latein

---

1729

1413 November 18 Das Weissenburger Kapitel schaltet die Urkunde des Vizewoiwoden Ladislaus von 1413 Nr. »1725 ein und bezeugt, dass Johann Greb von Martinsdorf einerseits, ferner die Töchter Nikolaus' von Rotberg und Genossin andererseits in je eine Hälfte der Besitzung Härwesdorf eingeführt worden sind.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas nobilis viri magistri Ladislai vicevaivodae Transsiluani honore quo decuit recepimus in haec verba. (Folgt die Urkunde des Vizewoiwoden Ladislaus von 1413 Nr. »1725.) Nos enim petitionibus praefati magistri Ladislai vicevaivodae annuentes una cum magistro Mathia literato de Chaz notario eiusdem nomine suo nostrum hominem videlicet dominum Georgium presbyterum de choro nostro ad praemissa exequenda duximus transmittendum. Qui demum exinde ad nos reversi nobis concorditer retulerunt, quod ipsi quinta feria proxima ante festum omnium sanctorum nunc praeteritum²⁾ ad faciem praedictae possessionis seu terrae Hortobagh vocatae pariter accessissent ipsamque vicinis et commetaneis suis universis circum- [S. 591] quaque legitime convocatis ipsisque praesentibus in duas partes rectas et coaequales divisissent, quarum partium unam videlicet medietatem ipsius possessionis seu terrae a parte orientali existentem cum omnibus suis utilitatibus et pertinentiis ad ipsam medietatem spectantibus praefato magistro Johanni Greb et eius heredibus, aliam vero medietatem ipsius possessionis seu terrae Hortobagh a plaga occidentali adiacentem similiter cum omnibus suis utilitatibus et pertinentiis ad ipsam medietatem spectantibus praenotatis nobilibus dominabus Ceciliae Nicolai dicti Wymester, et Veronicae Martini Cormorar consortibus filiabus videlicet Nicolai de Weresmorth necnon Katherinae consorti Jacobi filii Sampsonis de Fenyefalwa filiae scilicet quondam Petri de eadem Fenyefalwa consimili modo ipsis et earum heredibus statuissent perpetuo possidendas iuxta continentiam praescriptarum literarum vicevaivodalium contradictione quorumlibet non obstante. Datum octavo die festi beati Martini confessoris, anno domini millesimo quadringentesimo tredecimo. Honorabilibus et discretis viris dominis Georgio Lepes praeposito, Johanne cantore, Dionisio custode et Johanne plebano de Ened decano canonicis ecclesiae existentibus.

Auf der Rückseite, von einer Hand des 15. Jahrhunderts: Dyr brif gehewert wf Hortobagh.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 590 (1 zu voranstehender Urkunde).^{^}

2) Oktober 26. ^{^}