Urkunde Nr. 1735 aus Band III

Seite im UB:

599-602 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 12.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1735

Mediasch 1414 Juni 30 Notar Stephan Rasteter bezeugt, dass Dauid, Pfarrer von Haschagen, und Genossen gegen Stephan, den Bischof von Siebenbürgen, an den päpstlichen Stuhl berufen haben, betreffend den Zehnten.

In nomine domini amen. Noverint universi praesens publicum instrumentum inspecturi, quod in mei notarii publici testiumque infra scriptorum praesentia personaliter constitutus honorabilis vir dominus Dauid rector parochialis ecclesiae de Haschadia Transsiluanae diocesis procurator primo pro se et sua¹⁾ ecclesia¹⁾ et procuratoriis nominibus venerabilium virorum dominorum videlicet Dauid de Wrmlach, Johannis de Schelk maiori, Georgii de Schelk minori, Nicolai de villa Dominarum, Johannis de villa Ysopis, Nicolai de Schahs, Georgii de villa Mortini, Lodouici de villa Martini, Bar- [S. 600] tholomei de Argias, Johannis de villa Petri ac ecclesiarum earundem Transsiluanae diocesis coram me notario publico infra scripto tamquam publica et authentica persona appellavit ad sanctam sedem apostolicam et apostolos petiit prout in quadam papiri cedula continetur. Cuius papireae cedulae tenor sequitur et est talis. Cum propter diversa gravamina remedium appellationis in relevamen oppressorum a sanctis patribus tam canonici iuris quam etiam civilis pie exstitit inventum ac institutum, propterea ego Dauid rector parochialis ecclesiae sancti Petri de Haschadia Transsiluanae diocesis in persona mea et ecclesiae meae praedictae necnon procurator legitime constitutus et procuratorio nomine in personis venerabilium virorum dominorum videlicet Dauid de Wrmlach, Johannis de Schelk maiori, Georgii de Schelk minori, Nicolai de villa Dominarum, Johannis de villa Ysopis, Nicolai de Schalis, Georgii de villa Mortini, Lodouici de villa Martini, Bartholomei de Argias et Johannis de villa Petri ecclesiarum parochialium rectorum¹⁾ Transsiluanae diocesis coram vobis notario publico hic praesente tamquam publica et authentica persona ac testibus hic praesentibus et astantibus animo appellandi propono et dico, quod tam de iure communi quam de usu, more, consuetudine et observantia legitime praescriptis et inconcusse ac inviolabiliter observatis salvis infra dicendis²⁾ omnes et singulae decimae provenientes et provenire debentes ex terris arabilibus et possessionibus situatis infra fines et limites omnium et singularum ecclesiarum parochialium infra scriptarum primo videlicet ecclesiae sancti Petri de Wrmlach, ecclesiae sancti Martini de Schelk maiori, ecclesiae sanctae Katherinae de Schelk minori, ecclesiae omnium sanctorum de villa Dominarum, ecclesiae beatae virginis de villa Ysopis, ecclesiae beatae Vrsulae de Schalis, ecclesiae sancti Martini de villa Mortini, ecclesiae sanctae crucis de villa Martini, ecclesiae sancti Nicolai de Argias, ecclesiae sancti Quirini de villa Petri Transsiluanae diocesis ac etiam animalibus in eisdem confinibus et limitibus existentibus et depascentibus ac etiam personis utriusque sexus infra fines et limites dictarum ecclesiarum parochialium existentibus provenientes et provenire debentes ad me ratione dictae ecclesiae meae et ad singulos dominos supra scriptos simili ratione dictarum suarum ecclesiarum spectaverunt ac pertinuerunt ac spectant et pertinent,³⁾ ac etiam praedecessores meos et dominorum meorum superius expressatorum qui pro tempore fuerunt etiam spectaverunt et pertinuerunt. Nihilominus tamen reverendus pater dominus Stephanus episcopus Transsiluanus multis et diversis annis proxime elapsis dictas decimas ad me et dictos dominos meos pertinentes occupavit et occupat et in usos suos beneplaciter convertit et pluries nomine meo et singulorum dominorum praedictorum nominibus suis requisitus, ut dictas decimas ad me et dictos dominos spectantes et pertinentes per eum seu eius nomine et mandato mihi et dominis praelibatis subtractas restitueret et relaxaret, praedicta facere recusavit et recusat in ipsius episcopi animae detrimentum et mei ac ecclesiae meae praedictae necnon in praedictorum dominorum et ecclesiarum ipsorum [S. 601] non modicum damnum, praeiudicium et gravamen. Quare sentiens me et ecclesiam meam praedictam et omnes et singulos dominos praetactos et ecclesias similiter eorundem propter praemissas fore laesas et gravatas ac dubitans me et dominos praedictos fortius posse laedi et gravari, ab eodem domino episcopo et ab occupatione, usurpatione et detentione dictarum decimarum et a restitutione¹⁾ ipsarum²⁾ restituendarum²⁾ mihi et dominis praedictis et ab omni alio gravamine, quod ex praedictis colligi et elici possit,³⁾ ad appellandum sufficiat, et ab omnibus literis, bullis, processibus, sententiis ecclesiasticis et poenis in eisdem literis contentis et expressis communicatis vel communicandis necnon ab omnibus et singulis gravaminibus, quae resultant seu resultare poterint quomodolibet in futurum, Christi nomine invocato meo et praedictorum dominorum nomine in his scriptis provoco et appello et iterum appello ad sanctissimum in Christo patrem et dominum nostrum dominum Johannem divina providentia papam XXIII et eius sanctam sedem apostolicam apostolosque peto primo instanter et saepe, secundo instantius et saepius, tertio instantissime et saepissime mihi dari, si quis vel qui sit vel fuit,¹⁾ qui mihi eos dare possit vel velit, subiiciens me et ecclesiam meam praedictam ac dictos dominos meos et ecclesias ipsorum et omnia bona mobilia et immobilia eorundem protectioni, tuitioni et defensioni dictae sanctae sedis apostolicae et eius sacro collegio et sum paratus iurare ad sancta dei evangelia, quod si esset mihi tutus accessus ad praesentiam dicti domini episcopi coram ipso praesentem appellationem interponerem. Sed quia est nimis rigidus et valde austerus et faciliter possit me incarcerare, pro tanto non sum ausus dictam appellationem coram eo interponere. Protestor etiam, quod paratus sum dare copiam praesentis appellationis petentibus iuxta iuris formam suis tamen sub expensis salvo tamen iure augmentandi, diminuendi, addendi, corrigendi, emendandi toties quoties videbitur expedire iuxta consilia sapientum. Et de praedictis omnibus et singulis peto vos dominum notarium publicum tamquam personam authenticam, ut mihi et dominis meis praedictis unum vel plura publicum seu publica connciatis instrumenta. Lecta, facta et interposita est haec appellatio Medies in choro ecclesiae parochialis sanctae Margarethae Transsiluanae diocesis, sub anno nativitatis domini millesimo CCCCmo XIIIIo, indictione septima, die vero ultima mensis Junii, hora tertiarum vel quasi, pontificatus sanctissimi in Christo patris et domini nostri domini Johannis divina providentia papae XXIII anno quarto.⁴⁾ Praesentibus honorabilibus et discretis viris dominis Andrea plebano de villa Blasii Albensis diocesis, Johanne presbytero de Pullia, Nicolao Nicolai de villa Hoeczlini, Petro clerico de Syburg, Nicolao presbytero de Medies Albensis diocesis, Petro de Czesticz, Heinrico [ ]⁵⁾ Pragensis diocesis et aliis quampluribus fide dignis testibus ad praemissa vocatis specialiter et rogatis. (Folgen die auf die nachstehende Beglaubigungsklausel bezüglichen Worte der [S. 602] genannten Urkunde des Notars Stephan Nicolai von 1414.)

Et ego Stephanus Johannis dicti Rasteter de Noua civitate clericus Salczburgensis diocesis auctoritate imperiali notarius publicus, quia praedictis appellationis¹⁾ interpositioni, lectioni, protestationi et publicationi aliisque omnibus et singulis praemissis, dum sic ut praemittitur fierent et agerentar, una cum praenominatis testibus praesens interfui eaque omnia et singula supra dicta vidi et audivi, ideo in hanc publicam formam manu propria redegi meisque signo et nomine solitis et consuetis consignavi rogatus et requisitus in fidem et testimonium omnium praemissorum.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 599, 1-3 auf S. 600, 1-5 auf S. 601, 1 auf S. 602 (dortige 2-6 zu nachfolgender Urkunde).^{^}
[S. 600]
1) Vorlage: suae ecclesiae. [2x]^{^}
1) Vorlage: rectoribus.^{^}
2) Vorlage: dicentibus.^{^}
3) Vorlage: pertineant.^{^}
[S. 601]
1) So Vorlage. [2x]^{^}
2) Vorlage: ipsos restituen [Strich über Wortende]. [2x]^{^}
3) Vorlage: pt [Strich über Wort]^{^}
4) Richtig: quinto.^{^}
5) Loch und Schrift geschwunden, 1 Centimeter breit. ^{^}
[S. 602]
1) Vorlage: appellationi.^{^}