Urkunde Nr. 1758 aus Band III

Seite im UB:

636-637

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 2.

Druckvorlage:

nach Original

Abdruck als:

Volltext

Sprache:

Latein

---

1758

Konstanz 1415 Januar 13 König Sigmund erlässt zu Gunsten der sieben Stühle eine Verordnung, betreffend die den Siebenbürger Deutschen an allen Abgabenstellen im Reiche beziehungsweise in Kecskemet zustehende Freiheit von Gebühren und Leistungen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris universis praelatis, baronibus, comitibus, castellanis, nobilibus eorumque officialibus item civitatibus et liberis villis ipsarumque rectoribus iudicibus et villicis necnon tributariis tricesimatoribus tam nostris quam reginalibus et aliorum quorumcumque intra ambitum regni nostri tam in terris quam in aquis specialiter vero in Kechkemeth con- [S. 637] stitutis et constituendis praesentium notitiam habituris salutem et gratiam. Ex querulosa significatione fldelium nostrorum providorum Jacobi filii magistri civium de Cibinio necnon Hedrich filii Hedrich de Olczna iudicis de Noua ecclesia per eosdem in ipsorum ac universorum civium et hospitum de eadem necnon singulorum Saxonum septem sedium partium nostrarum Transsiluanarum personis nobis allata nostra valde displicenter intellexit serenitas, quod licet universos Saxones ipsorum scilicet praedecessores quondam illustris princeps dominus Andreas dictorum regnorum Hungariae et cetera rex suis literis mediantibus in anno domini millesimo ducentesimo XXIIII^to1) confectis ubique in regno praedicto a solutione cuiuslibet tributi ex gratia sua speciali exemerit ipsasque literas ipsius domini Andreae regis alii reges dicti regni Hungariae eiusdem scilicet Andreae regis successores nostrique praedecessores confirmaverint immo uti dicitur et nos confirmaverimus, iidemque cives et hospites ac Saxones de rebus et bonis ipsorum a tempore praefixo hucusque in nullis tributorum locis tributum solverint sed ipsi et ipsorum quilibet praemissa libertate et exemptione semper et omni tempore freti fuissent et gavisi, tamen vos contra huiusmodi ipsorum iura et libertates ac gratiarum praerogativas ab ipsis ac eorum rebus et bonis in dictis tributorum locis tributum recepissetis et recipere praetenderetis²⁾ in futurum. Supplicaverunt³⁾ itaque praefati Jacobus et Hedrich ipsorum ac aliorum quorum supra nominibus maiestati nostrae humiliter et devote, ut ipsis superinde de condigno remedio dignaremur providere. Verum quia nos dictum tributum a praefatis civibus hospitibus et Saxonibus contra praescriptas eorum libertates per vos recipi non volumus modo aliquali, ideo fidelitati vestrae firmiter praecipiendo mandamus, quatenus a modo in posterum contra libertates et gratiarum praerogativas dictorum civium et hospitum necnon ceterorum Saxonum dictarum partium nostrarum Transsiluanarum super eosdem vel alterum eorum nullum tributum nullamve tributariam exactionem exigere et recipi facere ullatenus praesumatis nec sitis ausi modo aliquali. Secus non facturi. Alioquin commisimus et serie praesentium committimus comitibus illorum comitatuum in quibus fortassis huiusmodi mandatorum nostrorum transgressores reperirentur, ut ipsi eos rebus sic se habentibus ad praemissa facienda visis libertatibus et gratiarum praerogativis eorundem nostrorum civium et hospitum ac Saxonum compellant et astringant aequitate suadente. Praesentes etiam perlectas semper reddi volumus praesentanti. Datum Constanciae, octavo die festi epiphaniarum domini, anno eiusdem millesimo quadringentesimo quinto decimo, regnorum nostrorum anno Hungariae et cetera vicesimo octavo, Romanorum vero quinto.

Unter dem Siegel Kanzleibemerkung. [S. 638]


1) Vergleiche Nr. »43. ^{^}
2) Vorlage: praetendetis.^{^}
3) Vorlage: supplicavit.^{^}