Urkunde Nr. 1762 aus Band III

Seite im UB:

642

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1762

Konstanz 1415 Januar 13 König Sigmund richtet an die mit der Einhebung des Schaffünfzigsten betrauten Beamten und Genossen einen Erlass, betreffend die den Walachen von Felek bei Klausenburg bezüglich des Schaffünfzigsten, des Prandiums und der sonstigen Abgaben zustehende Befreiung.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris universis et singulis quinquagesimae ovium prandiique eiusdem¹⁾ vel alterius cuiuscumque solutionis exactoribus nunc et in futurum pro tempore constitutis, quibus praesentes ostenduntur, salutem et gratiam. Cum fideles nostri universi Olahi in possessione Felek ad civitatem nostram Coluswar applicata in silva eiusdem pro custodia viae deputati commorantes ob fidelium famulatuum et servitiorum civium et hospitum nostrorum de dicta Coluswar per eosdem sacrae coronae regiae Hungariae cum summa fidelitatis constantia laudabiliter exhibitorum et impensorum ab ipsorum quinquagesimae, prandii et alterius cuiusvis solutionis onere et exactione iuxta continentias literarum quondam serenissimi principis domini regis Lodouici patris et soceri nostri carissimi sub eius sigillo secreto patenter emanatarum et coram nobis specietenus productarum et exhibitarum exempti sint et emancipati habeantur, velimusque et nos eosdem praetextu praeclararum virtutum meritorum dictorum civium hospitum nostrorum de dicta Coluswar exemptos fore et emancipatos, igitur vestrae universitatis et cuiuslibet vestrum fidelitati firmo nostro regio sub edicto praecipientes mandamus omnino aliter habere nollentes, quatenus contra huiusmodi praefati quondam domini Lodouici regis et praesens nostrum indultum cum praedictis Olahis occasione praemissae quinquagesimae, prandii vel alterius cuiuscumque solutionis nihil penitus agere habentes eosdem ac res et bona eorum pacifice et quiete absque omni impedimento relinquere debeatis, aliud nullatenus facere praesumentes gratiae regiae sub obtentu. Praesentes etiam perlectas semper reddi volumus praesentanti. Datum Constanciae, octavo die festi epiphaniarum domini, anno eiusdem millesimo quadringentesimo quinto decimo, regnorum nostrorum anno Hungariae et cetera vicesimo octavo, Romanorum vero quinto. [S. 643]

Unter dem Siegel: Commissio propria [domini] regis.


1) So Vorlage. ^{^}