Urkunde Nr. 885 aus Band II

Seite im UB:

280-281 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

885

Bistritz 1367 Januar 6 Der Bistritzer Distrikt setzt Bestimmungen fest, betreffend die Weineinfuhr, den Ankauf von Weingärten, den Weinausschank, die Rechte, Arbeiten und Waarenpreise der Handwerker, die Aufnahme von Handwerkslehrlingen und von zugewanderten Meistern und das zwischen Winzern und Handwerkern zur Hinhaltung dieser Bestimmungen vereinbarte Bündnis.

Sicut numquam est stabile fluens tempus sed defluit, sic quoque cum ipso tempore fluunt et defluunt actiones. Ne labatur ergo cum tempore quo modo geritur, aeternari debet memoria literarum. Cognoscant igitur tam praesentes quam posteri quibus opportunum nosse fuerit, quod nos iurati senioresque cives necnon universitas incolarum civitatis Bistriciensis et ad eandem pertinentis provinciae post diutinas dissensionis ac discordiae plurimas materias propter adductiones extraneorum vinorum de possessionibus nobilium seu de quibuscumque partibus extra Bistriciensem districtum constitutis inter nos habitas in verae quietationis ac unionis normam convenimus et coadunati sumus ordinariasque constitutiones fecimus et facimus, quas inviolabiliter perpetuis temporibus volumus per nos nostrosque successores observari. Primo volumus et placet indifferenter nobis omnibus, quod annorum singulis in revolutionibus a novis seu a vindemiis usque festum beati Jacobi apostoli, quod messis tempore colitur,¹⁾ nullus civium nullusque provincialium et generaliter nullus hominum de nobilium possessionibus vel aliunde quibuscumque de partibus extranea praesumat adducere vina in memoratam civitatem vel districtum, sed tantum civibus vel aliis quibuslibet hominibus vineas extra metas civitatis vel eiusdem districtus [S. 281] habentibus facultas conceditur et admittitur vina eorum de propriis vineis adducendi, sed non plura. Si qui vero temerariae praesuraptionis ausibus indurati intra tempus vindemiarum et beati Jacobi apostoli festum¹⁾ aliqua vina praesumpserint adducere, tunc vinum, quod adductum fuerit, cum meliore iumento, quod in curru exstiterit, sive bos sive fuerit equus, auferetur ab eisdem et ad meliorationem civitatis vel villae, quo perductum fuerit, debebit conservari. Volumus etiam quod nullus civitatensis vel provincialis plures debeat praeter habitas extra Bistriciensem districtum vineas comparare. Insuper adiicimus, quod seniores civitatis singulis annis constitutiones ac statuta facere debent cauponibus seu vina propinare volentibus, pro quanta pecunia sua vina propinabunt. Si qui vero dicta statuta civium transgressi fuerint et quoties excesserint, meritoriis poenis seu birsagiis eorum punientur. Item volumus et placet nobis omnibus, quod unum quodque opus mechanicum, sive parvum sive magnum fuerit, in antiquo iure suo debeat permanere. Quibus etiam mechanicis civitatis seniores constitutiones ac statuta facient, quibus mediantibus uni cuique laboribus eorum et pretio poterunt decenter ac rationabiliter obviare. Qui etiam mechanici pueros honestorum hominum suscipient erudiendos pro competenti pretio, sicut ordinatio fieri poterit, nec tales debeant refutare. Ceterum quod homines honesti, cuiuscumque fuerint operis mechanici, causa stabilitatis ac mansionis in ipsam civitatem subintrare cum singulis taxarum censuumque solutionibus volentes intromitti debent, quemadmodum vetus tenuit consuetudo. Praeterea nos vinitores et mechanici simul et insimul confoederantes astringimus nos, quod simul stabimus contra quosvis hoc ordinatum volentes infringere sic, quod vinitores mechanicos et mechanici nullatenus derelinquent nec derelinquere debent vinitores, sed unanimiter stabunt contra quospiam violatores ordinationum praemissarum. Omnibus etiam praemissis adiicimus, quod omnis habens vineas extra Bistriciensem districtum licite vina suis in propriis putata vineis et adducta post festum beati Georgii martyris²⁾ singulis annis poterit propinare. Ne igitur ordinationes seu coadunationes praemissae possint irritari aliquibus in posterum calumniis per quospiam, praesentibus ambo sigilla scilicet civitatis et provinciae duximus appendenda pro firmitate sempiterna. Datum Bistriciae, in festo epiphaniarum domini, anno eiusdem millesimo trecentesimo sexagesimo septimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 280, 1-2 auf S. 281.^{^}
b) Nachtrag UB II 756: Z verkehrt.^{^}
c) Im UB Abbildung des Siegels der Stadt Bistritz auf Tafel I, Bild 2 (unten als »Abb. 1) bzw. der Provinz Bistritz auf Tafel I, Bild 3 (unten als »Abb. 2). Beschreibungen auch im “Verzeichnis der Siegelabbildungen“ UB II 653. Angesichts der Schadhaftigkeit der hier angebrachten Siegel wurden die zweitältesten Belege des Siegels an Nr. »886 abgebildet, bei späteren Siegelbeschreibungen aber auf die vorliegende Nummer verwiesen.^{^}
[S. 280]
1) Juli 25.^{^}
[S. 281]
1) Juli 25.^{^}
2) April 24.^{^}

Abb. 1


Abb. 2