Urkunde Nr. 900 aus Band II

Seite im UB:

298-299

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 19.

Druckvorlage:

nach Original

Abdruck als:

Volltext

Sprache:

Latein

---

900

Wissegrad 1367 Juni 30 König Ludwig I. erlässt eine Verordnung zu Gunsten der Hermannstädter Provinz, betreffend die Befreiung der zu ihr gehörigen Bürger von fremder Gerichtsbarkeit und die Verantwortlichkeit ihrer Richter gegenüber dem König beziehentlich gegenüber dem Tavernicus.

Lodouicus dei gratia rex Hungariae fidelibus suis universis praelatis, baronibus, comitibus, castellanis, nobilibus et quibuslibet possessionatis hominibus, item civitatibus et liberis villis earumque rectoribus iudicibus et villicis quibus praesentes ostenduntur salutem et gratiam. Ex significatione fidelium civium et hospitum nostrorum de Scibinio et de eius pertinentiis nobis oblata percepimus querulosa, quod cum ipsi pro acquirendis victibus eorum vel alia compulsi necessitate ad nos et in vestri medium proficiscerentur, vos eosdem iudicaretis et vestro iudicio et iudicatui astare compelleretis incessanter in rebus et personis creberrime ipsos arestando nulla prius ut conveniens foret iustitia postulata. Unde cum nos dictos fideles cives et hospites nostros sic opprimi non velimus per quempiam quoquomodo, volumus et fidelitati universitatis vestrae firmo edicto regio praecipiendo mandamus, quatenus a modo in antea praefatos cives et hospites nostros vel eorum ali- [S. 299] quem in vestris possessionibus, tenutis et villis ac in vestri medio nullus vestrum iudicare vel suo astare iudicatui compellere in rebusque et personis arestare irrequisita iustitia audeat vel praesumat signanter pro debitis, delictis et offensis aliorum, sed si qui ex vobis quicquam actionis vel quaestionis contra ipsos habent vel habuerint, hi in medio eorundem fidelium civium nostrorum iuridice prosequantur, et si iidem vel officialis ipsorum in reddenda iustitia cuipiam tepidi exstiterint vel remissi ex tunc non ipsi hospites nostri contra quos agitur, sed idem officialis noster pro tempore constitutus in nostram vel magistri tavarnicorum nostrorum praesentiam per querulantes legitime evocentur, ex parte cuius nos vel idem magister tavarnicorum nostrorum sufficiens iustitiae complementum exhibebimus vel exhibebit iustitia suadente quibuslibet querulantibus de eisdem. Datum in Wyssegrad, secundo die festi beatorum Petri et Pauli apostolorum, anno domini M^o CCC^o LX^mo septimo.

Unter dem Siegel eine Kanzleibemerkung.