Urkunde Nr. 120 aus Band I

Seite im UB:

102

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Heutige Signatur:

Familienarchiv Bethlen de Iktár, Urkunden.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

120

1268 Stephan iunior rex nimmt die Söhne des Laurentius von Bylok und deren direkte Nachkommen unter die servientes regales auf.

Stephanus dei gratia iunior rex Ungariae, dux Transyluaniae omnibus Christi fidelibus praesens scriptum inspecturis salutem in omnium salvatore. Celsitudo regia et benignitas solet subiectos sibi ad gradum provehere altiorem, qui fideliter servierunt. Proinde ad universorum notitiam harum serie voluraus pervenire, quod cum Bochou, Bench, Benche et Bethlen, filii Laurentii de villa Bylok, conditionarii nostri scilicet tavernici nostri, qui vulgariter kurmis tarnuc dicuntur, a pueritiae nostrae temporibus nobis servivissent fideliter et devote, in memoriam etiam inter cetera servitia et fidelitates eorum, quae exhibuerunt, reducimus per praesentes, quod cum persequentibus parentibus nostris claustra castri Feketehalom adiissemus, Benche nobiscum intrans castruni praedictum in eodem permanendo, multa et grata servitia impendit indefesse, quae vix possunt per singula recitari. Praeterea Bochou in Ilsuazeg in conflictu, quo Henricus palatinus cum duobus filiis suis captus fuit, servitia et fidelitatis opera pro nobis exercendo, fuit letaliter vulneratus. Nos itaque in recompensationem servitiorum et fidelitatum eorum volentes grata vicissitudine eisdem occurrere et respondere [ ] conditionariorum nostrorum seu praedictorum eosdem, et per eos universos posteros ipsorum ab eisdem per directam lineam descendentes [ ] et simpliciter [ ]¹⁾ nostrorum regalium duximus transferendos. Ut igitur [ ] eisdem a²⁾ [ ] et concessa robur obtineat perpetuae firmitatis nec in aliquo cursu temporum possit vel debeat per quempiam in irritum revocari vel retractari, praedictis Bochou, Bench et Bethlen ac eorum posteritatibus praesentes concessimus literas duplicis sigilli nostri munimine roboratas. Datum, per manus magistri Petri dilecti et fidelis nostri aulae nostrae vicecancellarii, anno domini millesimo ducentesimo sexagesimo octavo.


1) Zu ergänzen: in numerum servientium.^{^}
2) Hierauf zu ergänzen: nobis. ^{^}