Urkunde Nr. 903 aus Band II

Seite im UB:

301-302

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

903

Szentimre 1367 August 26 Peter, Vizewoiwode von Siebenbürgen, ersucht den Kolozsmonostorer Konvent, bei der Untersuchung des zwischen Donnersmarkt und dem Weissenburger Kapitel wegen eines Landstriches schwebenden Streites mitzuwirken.

Religiosis viris et honestis monasterii ecclesiae beatae virginis de Clusmonostra amicis suis honorandis Petrus vicevaivoda Transiluanus amicitiam paratam debito cum honore. Dicunt nobis honorabiles viri capituli [S. 302] videlicet ecclesiae¹⁾ Transiluanae conquerendo, quod cum ipsi in octavis festi beati Johannis baptistae nunc proxime praeteritis²⁾ iuxta nostrae iudiciariae commissionis formam ad reambulationem metarum erectarum statutionem seu aestimationem cuiusdam terrae litigiosae inter possessiones domini abbatis de Eggrus, Monera videlicet et praetacti capituli Chergeud vocatas habitae accepto nomine nostro et vestro testimonio procuratores eorum legitimus destinassent, universi populi seu hospites de ipsa villa, Munera armatis manibus et potentiariis contra ipsos procuratores ac nostrum hominem et vestrum testimonium insurgendo eosdem interficere voluissent a facie eiusdem terrae ipsos violenter aufugantes³⁾ metasque per ipsos erectas facta legitima statutione dictae particulae terrae eodem die penitus destruentes et annihilantes nostrae iudiciariae auctoritatis in contemptum ac ipsius capituli praeiudicium non modicum et gravamen. Demum his non contenti fenilia in facie ipsius particulae terrae existentia pro se ipsis falcassent et congregassent ac utilitates eiusdem perciperent propria eorum potentia mediante et nihilominus continue iobagionibus eorum de praedicta Chergeud minas mortis imponerent. Super quo vestram petimus amicitiam praesentibus diligenter, quatenus vestrum mittatis hominem pro testimonio fide dignum quo praesente magistri Ladislaus filius Blasii de Tyur vel Andreas filius Herbordi de Balasfolua aut Bako de Mihalfolua seu Johannes dictus Zaas de Barsa Jacobfolua seu Ladislaus filius eiusdem aliis absentibus homo noster ab omnibus quibus decet et licet sciat et inquirat de praemissis omnimodam veritatem scitaque praemissorum veritate prohibeat eosdem ab usu et preceptione utilitatum dictae particulae terrae violentia et deductione feni ibidem falcati et congregati nihilominusque videat et intueatur destructionem et annihilationem dictarum metarum necnon fena in facie eiusdem terrae potentialiter falcata et congregata. Et post haec seriem omnium praemissorum prout fuerit opportunum nobis in vestris literis amicabiliter rescribatis. Datum in sancto Emerico, feria quinta proxima post festum Bartholomei apostoli, anno domini M^mo CCC^mo LX^mo septimo.


1) Fehlt in der Vorlage.^{^}
2) Juli 1.^{^}
3) Vorlage: affugantes.^{^}