Urkunde Nr. 922 aus Band II

Seite im UB:

319-320

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

922

Rom bei St. Peter [1368] Dezember 22 Papst Urban V. beauftragt den Abt von Pills mit der Untersuchung der Rechte Hermanns auf die Kerzer Abtei, beziehungsweise mit der Bestrafung der gegen den genannten Hermann verübten Gewaltthätigkeiten und Einsetzung desselben als Kerzer Abtes.

Urbanus episcopus et cetera dilecto filio . .¹⁾ abbati monasterii de Plysio Strigoniensis diocesis salutem et cetera. Exhibita nobis nuper pro parte dilecti filii Hermanni abbatis monasterii de Candelis Cisterciensis ordinis Strigoniensis diocesis petitio continebat, quod licet olim ipse in abbatem dicti monasterii tunc ex eo vacantis, quod dilectus filius Alardus abbas de Egris dicti ordinis Cenadiensis diocesis,²⁾ pater abbas dicti de Candelis monasteriorum, cum ad patrem abbatem dicti monasterii de Candelis ipsius monasterii abbatis depositio et privatio tam ex institutis dicti ordinis per sedem apostolicam ex certa scientia approbatis quam etiam de antiqua et approbata et hactenus pacifice observata consuetudine pertineret, dilectum filium Johannem de Flandria monachum tunc abbatem dicti monasterii de Candelis ipso monasterio, cui tunc praeerat, suis demeritis exigentibus per diffinitivam sententiam, quae nulla provocatione suspensa in rem transiverat iudicatam, privaverat, per dilectos filios conventum eiusdem monasterii canonice electus fuisset ac huiusmodi electio per ipsum patrem abbatem, cum ad patrem abbatem dicti monasterii de Egris pro tempore existentem confirmatio electionis abbatis ipsius monasterii de Candelis tam ex institutis huiusmodi quam de simili consuetudine pertineret, canonice confirmata fuisset, tamen postmodum praefatus Johannes eundem Hermannum coram carissimo in Christo filio nostro Ludovico rege Ungariae illustri de facto fecit ad iudicium evocari, ac Jacobus de Hotwas laicus dictae Strigoniensis diocesis ipso Johanne procurante eundem Hermannum nonnullis literis authenticis, instrumentis publicis et aliis iuribus et monumentis necnon equis, vestibus et aliis bonis suis non absque manuum iniectione in eum, dei timore postposito temere, violenta spoliavit ac eum per unam noctem catenis ferreis vinctum detinere praesumpsit. Quare pro parte dicti Hermanni nobis fuit humiliter supplicatum, ut providere ei super praemissis de benignitate apostolica dignaremur. Nos itaque huiusmodi supplicationibus inclinati discretioni tuae per apostolica scripta mandamus, quatenus si tibi de huiusmodi manuum iniectione [S. 320] et detentione constiterit, dictum Jacobum sacrilegum tamdiu appellatione remota excommunicatum publice nuncies et facias ab omnibus artius evitari, donec super his congrue satisfecerit et cum tuarum testimonio literarum ad sedem venerit apostolicam absolvendus. Et nihilominus si privationem, electionem et confirmationem praedictas alias fore canonicas et dictum Hermannum ad regimen dicti monasterii de Candelis utilem et idoneum, super quo tuam conscientiam oneramus, esse repereris, eidem Hermanno auctoritate apostolica concedas, quod electio et confirmatio praedictae perinde a data praesentium valeant et plenam obtineant roboris firmitatem ac si de dicto monasterio de Candelis nulla per sedem apostolicam reservatio facta foret. Super aliis vero vocatis qui fuerint evocandi et auditis hinc inde propositis quod iustum fuerit appellatione remota decernas, faciens quod decreveris per censuram ecclesiasticam firmiter observari, non obstantibus et cetera usque mentionem. Datum Romae apud sanctum Petrum, XI. Kalendas Januarii, pontificatus nostri anno VII.


1) Henricus.^{^}
2) Hierauf zwischen runden Klammern: et.^{^}