Urkunde Nr. 934 aus Band II

Seite im UB:

334

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

934

Argisch 1369 November 25 Ladislaus, Woiwode der Walachei, ermahnt die Geistlichkeit der Walachei und des Fogarascher Gebietes, den zur Ausübung seiner Funktionen in ihrer Mitte erscheinenden Suffragan des siebenbürgischen Bischofs Demetrius freundlich aufzunehmen.

Ladyzlaus dei et regis Hungariae gratia vaivoda Transalpinus et banus Zeurinio necnon dux de Ffogaras fidelibus suis universis ecclesiarum plebanis ac rectoribus per totam terram Transalpinam et de Fogaras constitutis suam gratiam et favorem. Noveritis quod nos saluti vestrae consulentes per venerabilem in Christo patrem dominum Demetrium episcopum ecclesiae Transsiluanae, cui scilicet ecclesiae et eius episcopo a temporibus praedecessorum nostrorum ac bonae memoriae quondam domini patris nostri carissimi iure diocesano dignoscimini fore subiecti, suffraganeum suum episcopum pro consecrandis et reconciliandis ecclesiis et altaribus, confirmatione in fronte, confessionibus audiendis, poenitentiis iniungendis, absolutionibus in casibus episcopalibus impendendis ac aliis pontificalibus officiis exercendis necnon pro visitatione et morum reformatione, caritativa correctione et omnia, quae saluti vestrae videbuntiir fore utilia seu etiam opportuna, ad partes istas ac in vestri medium petivimus destinari seu transmitti. Quapropter universitati vestrae et cuilibet vestrum firmissime praecipiendo mandamus per praesentes, quatenus dum idem dominus episcopus suffraganeus in vestri medium pervenerit, ipsum honorifice suscipiatis et benigne pertractetis obedientiam debitam sibi impendendo et in praemissis pro vestra salute suum officium implorando. Datum in Argyas, in festo beatae Katherinae virginis et martyris, anno domini M^o. CCC^o. LX^o. nono.