Urkunde Nr. 945 aus Band II

Seite im UB:

345-347 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

945

Neumarkt am Mieresch 1370 April 26 ^b) König Ludwig I. bestätigt die Stadt Klausenburg im Besitz ihrer von Adligen und sonstigen Leuten angekauften Ländereien und Besitzanteile und verleiht ihr das Recht, auch fernerhin solche anzukaufen.

Von der Kanzlei: Ad relationem Emerici vaivodae.

[N]os²⁾ Lodouicus der gratia rex Hungariae memoriae commendantes tenore praesentium significamus quibus expedit universis, quod Georgius filius Barthaleus iudex civitatis nostrae de Colosuar necnon Ladizlaus filius Laurencii et Nicolaus filius Johannis seniores et iurati de eadem in suis ac universorum civium et hospitum nostrorum de dicta Colosuar personis nostrae celsitudinis humiliter accedentes praesentiam nostrae insinuarunt maiestati, quod ipsi ad decus³⁾ et incrementum ac augmentum praedictae civitatis nostrae voto unanimi dignum et debitum habentes respectum a nonnullis [S. 346] nobilibus et aliis regni nostri hominibus quasdam terras et possessionarias portiones in circuitu ipsius civitatis habitas et existentes eis non tam utiles verum etiam necessarias iusto emptionis titulo comparassent usibus communitatis ipsorum applicando, asserentes nihilominus se et praedictos cives nostros a viginti annorum spatio in pacifica possessione praedictarum terrarum exstitisse et nunc esse pacifice et quiete, supplicantes nominibus quibus supra nostrae maiestati, ut emptionem et venditionem de praedictis terris et possessionariis portionibus modo praemisso factas ratas habendo atque gratas nostrumque regium consensum ipsis adhibendo et assensum ad maiorem et uberiorem cautelam perpetuae conservationis praedictarum terrarum de plenitudine regiae potestatis dignaremur ratificare et confirmare. Nos itaque considerantes quod honor et commoditas regalis fastigii in multitudine et prosperitate populorum solet iocundari providentiaeque congruit praesidentis, quod suorum subditorum commodis vigilanter insistat, ut ab ipsis nostrae maiestati utilitas, profectus habeatur et consequenter proveniet materia uberioris commodi et honoris, supplicationibus ipsorum regia benignitate clementer exauditis, ut iidem cives velut honoris nostri speciales et providi zelatores in opulentia pacis sedeant et tranquillitatis pulchritudine quiescant, emptionem et venditionem praedictarum terrarum et possessionariarum portionum quovis nomine vocitatarum ad usum et utilitatem praedictae civitatis nostrae Colosuaryensis factas, quas scilicet cives eiusdem civitatis a viginti annorum spatio pacifice dignoscuntur habuisse et possedisse et in quarum dominio immobiles exstiterunt et quieti, ratas habentes atque gratas nostrumque regium consensum adhibendo et assensum de plenitudine potestatis nostrae approbando et ratificando confirmamus praesentium patrocinio literarum. Ceterum ut cives civitatis nostrae praedictae easdem terras et possessionarias portiones absque omni immutatione perpetue possideant et ab omni sint impedimento securi, omnibus et singulis ratione praedictarum terrarum et possessionariarum portionum ad usum civitatis nostrae praedictae applicatarum perpetuum duximus silentium imponendum. Insuper cupientes dictam civitatem nostram et eius cives specialis praerogativae titulis attollere et beneficiorum provehere incrementis, ut status ipsorum de bono semper in melius reformetur nobisque et sacrae coronae regiae gratiora et uberiora impendant fidelitatis obsequia,¹⁾ de speciali gratia annuimus et consensimus ipsis gratiose, ut liceat eisdem a quibuslibet nobilibus et aliis regni nostri hominibus terras et possessiones pro utilitate et augmento eiusdem civitatis iusto emptionis titulo comparare et ad usum commoditatis ipsorum applicare ex nostra annuentia permissiva et consensu speciali. Quibus quidem emptioni et venditioni ex nunc prout ex tunc vigore praesentium nostrum praebemus consensum et assensum volentes et decernentes, ut si aliqui in huiusmodi terris et possessionariis portionibus per ipsos cives nostros processu temporum iusto emptionis titulo emendis vel comparandis quicquam iuris vel actionis se habere speraverint a tempore huiusmodi emptionis fiendae infra unius anni spatium prosequantur iuris ordine mediante, si qui vero infra unius anni spatium in taciturnitate [S. 347] persistendo iura sua prosequi neglexerint vel non curaverint, amplius prosequendi non habeant facultatem, quibus perpetuae taciturnitatis silentium imponimus ipsasque terras et possessiones per praedictos cives civitatis nostrae perpetue et incommutabiliter volumus possideri et conservari contradictione quorumlibet non obstante. Datum in Zekuluasarhel, feria sexta proxima post festum beati Georgii martyris, anno domini M^mo CCC^mo septuagesimo.

<re>Von der Kanzlei: Perlecta et correcta. </re>

Unter dem Siegel: Ad relationem Emerici vaivodae.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 345 (1 zu voranstehenderUrkunde), 1 auf S. 346.^{^}
b) Ausstellungsort im UB als: Neumarkt.^{^}
[S. 345]
2) Raum für N leer gelassen.^{^}
3) Vorlage: decorem.^{^}
[S. 346]
1) Vorlage: obsequium.^{^}