Urkunde Nr. 947 aus Band II

Seite im UB:

348

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

947

Szentimre 1370 Mai 8 Johann, Vizewoiwode von Siebenbürgen, ersucht den Kolozsmonostorer Konvent, bei der Eidablegung des Weissenburger Kapitels, betreffend ein zwischen Busd und Hoszszutelke gelegenes Stück Land, mitzuwirken.

Religiosis viris conventui ecclesiae beatae Mariae virginis de Clusmonustra amicis suis honorandis Johannes vicevaivoda Transsilvanus amicitiam paratam cum honore. Vestram petimus amicitiam praesentibus diligenter, quatenus vestrum mittatis hominem pro testimonio fide dignum, quo praesente magister Nicolaus notarius noster vel Stephanus filius Johannis de Chezthue aut Ladislaus filius Johannis dicti Zaz de Bursyacobfolua aliis absentibus homo noster in quindenis festi corporis Christi nunc venturis¹⁾ ad faciem cuiusdam particulae terrae litigiosae inter possessiones Buzd dominorum de capitulo ecclesiae Transsilvanae et Alardi filii Walentini Huzioteluk vocatas existentis accedendo, vicinis et commetaneis eiusdem legitime inibi convocatis et praesentibus, praedictis etiam partibus vel earum legitimis procuratoribus personaliter ibidem comparentibus, iuramentalem depositionem iuxta continentias literarum regalium per ipsos dominos de capitulo vel procuratores eorundem legitimos in facie eiusdem terrae litigiosae exhibendarum, quam ipsi domini iuxta deliberationem eiusdem domini regis in eisdem literis suis contentam facere debebunt, videat et intueatur, et post haec seriem ipsius iuramentalis depositionis, prout fuerit opportunum, nobis ad octavas festi beati Jacobi apostoli nunc venturas²⁾ in vestris literis amicabiliter rescribatis. Datum in sancto Emerico, octavo die octavarum festi beati Georgii martyris, anno domini millesimo CCC^mo LXX^mo.


1) Juni 27.^{^}
2) August 1.^{^}