Urkunde Nr. 960 aus Band II

Seite im UB:

360-361 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

960

1370 September 4 Der Kolozsmonostorer Konvent schaltet die Urkunde des Vizewoiwoden Johann von 1370 Nr. »957 ein und berichtet dem Vizewoiwoden, dass die Adligen von Kleinenyed, Mathias, Sohn Ornoldus', Nikolaus, Sohn Johanns, und Johann Tompa, in Betreff eines Besitzanteils in Kleinenyed vorgeladen worden sind.

Nobili viro et honesto Johanni vicevaivodae Transsiluano amico ipsorum honorando conventus monasterii beatae Mariae virginis de Clusmonstra sincerae amicitiae et honoris continuum incrementum. Literas vestrae nobilitatis noveritis nos recepisse in haec verba. (Folgt die Urkunde des Vizewoiwoden Johann von 1370 Nr. »957.) Nos enim petitionibus vestrae nobilitatis iustis et legitimis acquiescentes una cum praefato Ladislao de Gald homine vestro nostrum hominem videlicet fratrem Nicolaum presbyterum virum idoneum ad praemissa exequenda pro testimonio duximus transmittendum. Qui demum ad nos reversi concorditer nobis retulerunt, quod ipsi Sabato proximo ante festum beati Egidii confessoris proxime nunc praeteritum¹⁾ ad faciem praenominatae possessionis Kysenyd vocatae universorum vicinorum et commetaneorum eiusdem legitimis convocationibus factis et praesentibus pariter accedendo cum ipsam portionem possessionariam praefatae nobilis dominae consortis ipsius comitis Stephani Margaretha vocatae in eadem possessione Kysenyd ipsam de iure tangentem iuxta formam testamentariae legationis suae eisdem dominis de praedicto capitulo secundum continentiam praedictarum literarum vestrarum statuere et eosdem in dominio ipsius relinquere voluissent, Mathyas filius Ornoldi, Nicolaus filius Johannis nobiles de eadem Kysenyd ac Nicolaus magnus famulus Johannis dicti Tompa eiusdem et nobilis dominae consortis ipsius Johannis Tompa in personis ibidem astando ipsos ab huiusmodi statutione et possessionaria introductione pro eisdem dominis de capitulo facienda prohibuissent, quos eodem die et in facie eiusdem contra praefatos dominos de capitulo ecclesiae Transsiluanae ad vestram praesentiam in sanctum Emericum citavissent rationem contradictionis eorum reddituros, octavas festi beati Mychaelis archangeli nunc venturas²⁾ eisdem pro termino coram vobis [S. 361] comparendi assignando. Datum feria quarta proxima ante festum nativitatis virginis gloriosae, anno domini praenotato.

Auf der Rückseite Adresse: Nobili viro et honesto Johanni vicevaivodae Transsiluano amico eorum honorando pro honorabili capitulo ecclesiae Transsiluanae contra Mathyam filium Ornoldi, Nicolaum filium Johannis et Johannem dictum Tompa nobiles de Kysenyd super contradictoria inhibitione statutionis portionis possessionariae nobilis de iure consortis Stephani de Selymberg in eadem possessione Kysenyd ipsam dominam contingentis ad oetavas festi beati Mychaelis archangeli¹⁾ citatorium.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 360, 1 auf S. 361 (dortige 2 zu nachfolgender Urkunde).^{^}
[S. 360]
1) August 31.^{^}
2) Oktober 6.^{^}
[S. 361]
1) Oktober 6.^{^}