Urkunde Nr. 965 aus Band II

Seite im UB:

365-366

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

965

Szentimre 1371 Juli 8 Johann, Vizewoiwode von Siebenbürgen, bezeugt, dass Johann, Sohn Johanns von Bethlen, und dessen Bruder Gregor gegen die Hospites regales von Vicze Einsprache erhoben haben, betreffend die Besitzung Bööd.

Nos Johannes vicevaivoda Transsiluanus memoriae commendamus per praesentes, quod cum nos in octavis beati Johannis baptistae nunc proxime praeteritis¹⁾ una cum nobilibus regni partis Transsiluanae iudiciario [S. 366] pro tribunali sedissemus et omnibus querelantibus iudicium et iustitiam impendissemus, inter alios causidicos Johannes filius Johannis de Bethlem ad nostram accedendo praesentiam in sua ac Gregori fratris sui uterini personis nobis et praedicti regni nobilibus per modum protestationis significare curavit, quod pridem universi populi seu hospites regales de Vyche ad castrum Baluanus pertinentes potentialiter consurgentes maximam particulam terrae ipsorum ad possessionem ipsorum Bwd vocatam pertinentem contra eorum legitimam prohibitionem perarassent et hoc vicinis et commetaneis ipsorum constaret evidenter. Super quo literas nostras protestatorias per nos dari postulavit, quas nos eidem concessimus iustitia communi suadente. Datum in sancto Emerico, octavo die praedictarum octavarum, anno domini M^mo CCC^mo LXX^mo primo.


1) Juli 1.^{^}