Urkunde Nr. 966 aus Band II

Seite im UB:

366

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

966

Wissegrad 1371 August 17 König Ludwig I. befiehlt Emerich, dem Woiwoden von Siebenbürgen, und Genossen, die Söhne Johanns von Bethlen im Besitz von Bööd nicht zu stören.

Lodouicus dei gratia rex Hungariae et Poloniae fideli suo magnifico viro Emerico vaivodae Transsiluano necnon magistris Nicolao et Johanni filiis Peteu castellanis suis de Baluanus nunc constitutis seu existentibus¹⁾ salutem et gratiam. Fidelitati vestrae firmissimo regio sub edicto praecipiendo mandamus, quatenus Gregorium et Johannem filios Johannis filii Jacobi de Bethlem in dominio pacifico illarum terrarum ad possessionem eorum Beud vocatam pertinentium omnino eo modo, prout venerabilis pater dominus Ladislaus episcopus Wesprimiensis aulae nostrae cancellarius fidelis noster, quem anno plus quam praeterito in partibus Transsiluanis pro rectificatione et separatione terrarum castrorum nostrorum, oppidorum et civitatum nostrarum a iuribus possessionariis nobilium nostrorum facienda de eius ad plenum confisi fidelitate inibi dimiseramus nostra suffultum auctoritate, vidit eosdem filios Johannis in earundem dominio exstitisse fide oculata, a modo in antea stare et persistere sinatis, secus nostrae gratiae sub obtentu facere non ausuri. Datum in Wyssegrad, in octavis festi beati Laurencii martyris, anno domini M^o CCC^o LXX^o primo. Praesentes autem reddi volumus praesentanti. Datum ut supra.

Unter dem Siegel: Relatio Demetrii episcopi Transsiluani.


1) Auf Rasur.^{^}