Urkunde Nr. 984 aus Band II

Seite im UB:

382-383 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

984

Weissenburg 1372 Mai 1 Demetrius, Bischof von Siebenbürgen, erklärt den durch Johann, den Sohn Gegus' von Malmkrog, gegen Salomon, Ladislaus und Michael von Kelling erhobenen Erbstreit für nichtig.

Nos Demetrius dei et apostolicae sedis gratia episcopus Transsiluanus significamus tenore praesentium quibus expedit universis, quod cum magister Johannes filius Gegus de Almakerek contra magistros Salomonem filium Nicolai, Ladislaum et Mychaelem filios quondam comitis Mychaelis de Kelnek super facto quartae filialis infra declarandae secundum modum et formam nostrae iudiciariae commissionis hoc scilicet, quod atava sua soror uterina Cheel et Thyl atavorum praedictorum magistrorum Salomonis, Ladislai et Mychaelis fuerit et ideo de omnibus possessionibus et possessionariis portionibus ipsorum Chyl et Thyl nunc apud manus eorundem nobilium de Kelnek existentibus habitis quarta filialis ipsius dominae atavae suae iure naturae et regni consuetudine requirente sibi cedi deberet et provenire, in octavis festi beati Georgii martyris²⁾ testibus quibus evidentius potuisset³⁾ coram nobis comprobare debuisset, ipso termino probationis praedicto adveniente pro dicto magistro Salomone personaliter et pro Ladislao et Mychaele fratribus eiusdem praedictis Petro Zekel dicto familiari eorundem ab una, parte vero ex altera Johanne literato cive de Alba iobagione nostro cum sufficientibus literis procuratoriis honorandi capituli ecclesiae nostrae coram nobis constitutis praefatus Johannes literatus auctoritate procuratoria vice et nomine eiusdem magistri Johannis filii Gegus retulit, quod ipse magister Johannes praemissam suam actionem iuxta nostram iudiciariam commissionem comprobare non posset neque valeret, quia in actione sua errando improvise suam proposuisset intentionem seu actionem, nam ipsa domina [S. 383] atava sua, cuius quartam filialem praemissam a dictis nobilibus de Kelnek repeteret, non soror sed filia ipsius Chyl exstitisset, verum quia praenominatus magister Johannes filius Gegus actor proposuisse reperiebatur ineptam actionem, idcirco intentionem ipsius in hac parte pronunciamus non tenere, absolventes eosdem magistros Salomonem, Ladislaum et Mychaelem ab eadem instantia iudicii, ac eundem magistrum Johannem actorem iuxta regni consuetudinem in iudicio sex marcarum ante litis ingressum deponendarum condemnantes ita tamen, quod si idem magister Johannes congruentem et aptam intentare voluerit actionem, memorati nobiles de Kelnek sibi nihilominus respondere teneantur. Datum Albae, in octavis praenotatis, anno domini M^mo CCC^mo LXX^mo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 aus S. 382 (1 zu voranstehender Urkunde).^{^}

2) Mai 1.^{^}
3) tui über der Zeile nachgetragen.^{^}