Urkunde Nr. 986 aus Band II

Seite im UB:

384-385

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

986

Ofen 1372 Mai 10 Johann, päpstlicher Legat, richtet einen Erlass an die Geistlichkeit in Ungarn, betreffend das Verbot der dem Dominikanerorden in Ungarn abträglichen Artikel der Pfarrgeistlichen.

Johannes miseratione divina patriarcha Alexandrinus in partibus Almaniae, Bohemiae, Vngariae, Poloniae ac nonnullis aliis apostolicae sedis legatus universis dominis archiepiscopis, episcopis, abbatibus, prioribus, prae- [S. 385] positis, decanis, archidiaconis, cantoribus et ecclesiarum cathedralium canonicis necnon quibuscumque aliis ecclesiasticis personis et vestrum singulis infra provinciam Vngariae constitutis salutem in domino sempiternam. Ex parte provincialis, priorum necnon aliorum praelatorum ordini praedicatorura praesidentium in partibus provinciae Hungariae praedictae fuerunt certi articuli seu capitula nobis exhibiti contra plebanos ecclesiarum rectores et animarum curam gerentes in partibus dictae provinciae residentes, asserentes praefati ordinis praelati et fratres se quamplurimum gravari¹⁾ ex serie contentorum in articulis praelibatis, petentes sibi provideri de remedio salubri ac opportuno et iustitiam ministrari. Quibus articulis visis et examinatis prospeximus per eos in praelibatis contra canonicas sanctiones detrahi ordini, religioni ac libertatibus dictorum fratrum, qui potius caritate tractandi sunt et prosequendi favoribus gratiose, utpote quibus sola mendicitas victum praebet, qui etiam ex suis praedicationibus, orationibus et confessionibus audiendis fructum in dei ecclesia non modicum afferunt incessanter. Volentes igitur in praemissis prout ex iniunctae nobis legationis incumbit officio salubrem adhibere medelam, super dictis articulis seu capitulis et ea tangentibus pro sedanda discordia et fovenda concordia declarationes fecimus prout nobis dominus monstravit. Quapropter prohibemus in virtute sanctae obedientiae et sub excommunicationis poena plebanis et rectoribus omnibus et singulis et eorum vices gerentibus per provinciam Vngariae praefatam constitutis, quam²⁾ in rebelles, contradictores seu contravenientes occulte aut manifeste canonica monitione praemissa ferimus in his scriptis, ne praefatos articulos seu capitula et eorum aliquem de cetero ad populum palam praedicent vel occulte doceant aut suggerant cuicumque utriusque sexus personae seu publicent tamquam a iure exorbitantes et afferentes praeiudicium libertati et privilegiis ordinis saepe dicti, observando modum et formam declarationum et decisionum nostrarum, quas in praemissis capitulis seu articulis per dicti ordi[nis fratr]es³⁾ expositis⁴⁾ et ea tangentibus fecimus ut est dictum, rogantes vos dominos archiepiseopos et episcopos et mandantes sub praedictis poenis abbatibus, prioribus, praepositis, decanis, archidiaconis, cantoribus, canonicis, capellanis, vicariis et generaliter quibuslibet personis ecclesiasticis praelibatis et eorum cuilibet, quatenus cum pro parte dictorum fratrum requisiti fueritis has nostras patentes literas praefatis plebanis et ecclesiarum rectoribus seu eorum vices gerentibus in provincia Himgariae praetacta constitutis et uni cuique eorum prout ipsius interfuerit in vestris et ipsorum ecclesiis publicetis, legi aut publicari efficaciter faciatis. Datum anno domini M^mo trecentesimo LXX^mo secundo, pontificatus sanctissimi in Christo patris ac domini nostri, domini Gregorii divina providentia papae undecimi anno secundo, decimo die mensis Maii, in monte Budensi diocesis Vesprimiensis in hospitio nostro, sigilli nostri munimine roboratum. [S. 386]


1) Vorlage: gravatorum.^{^}
2) Scilicet: poenam.^{^}
3) Loch, 0.7 Centimeter breit.^{^}
4) Vorlage: expositus.^{^}