Urkunde Nr. 991 aus Band II

Seite im UB:

391-392 ^a)

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

991

1372 August 27 Comes Johann, Richter, und der Rat von Klausenburg bezeugen, dass Peter Bakani und dessen Gattin ihren Hof in Klausenburg dem Pleban Emerich und dessen Nachfolgern im Pfarramt vermacht haben.

Quoniam generatio praeterit et cognatio advenit et actiones humanae quantumcumque sollenniter celebratae propter incertos rerum et temporum eventus solent cum tempore refluere et a memoria resecari, necesse est igitur, ut ea quae in tempore geruntur scripti testimonio perennentur. Proinde nos comes Joannes iudex, iurati et universi cives de Cluswar ad universorum notitiam tam praesentium quam futurorum harum serie cupimus pervenire, quod discreto viro et honesto domino Emerico plebano nostro ab una, parte vero ab altera Petro dicto Bakani nostro concive et amico cum sua consorte Senyd vocata in nostra personaliter constitutis praesentia, per eundem Petrum Bakani dictum et consortem suam legitimam Senyd vocatam confessum exstitit imo ore pariter et affirmatum, quod quia animadvertentes se annositate³⁾ confectas conditionemque ipsorum corpoream deorsum et ad humane vitae consumationem declinare, et ne fundus ipsorum infra denotandus ad ingratos devolvetur possessores, ex parte quorum animae ipsorum in elargitionem eleemosynarum missarumque comparationem et aliorum salubrium operum, quae pro salute animorum in sancta ecclesia fieri solent, ullum valerent percipere subsidium, fundum ipsorum in platea Magerutcha vocata in confiniis fundorum videlicet Georgii magni et Georgii filii Folkmar positum cum omnibus aedificiis et pertinentiis suis universis praelibato domino Emerico plebano nostro et ad ecclesiam sancti Michaelis [S. 392] nostram videlicet ecclesiam parochialem speciali devotione et animarum ipsorum ob salutem testamentaliter legassent, donassent et contulissent, immo legarunt, donarunt et contulerunt coram nobis tali conditione mediante, quod non praedictus dominus Emericus plebanus noster nec sui successores perpetuis temporibus eundem fundum ab ipsa ecclesia nostra parochiali vendendi et abalienandi debeant habere facultatem, sed idem fundus circa ipsam ecclesiam nostram parochialem remanere debeat temporibus sempiternis, et quod praenominatus dominus Emericus plebanus et sui successores victum et amictum ipsis ministrare debeant quousque vitam ducerent temporalem, quod idem dominus Emericus plebanus noster pro se et suis successoribus facere assumpsit¹⁾ coram nobis spontanea voluntate. In cuius rei memoriam firmitatemque perpetuam praesentes literas nostras duximus concedendas. Datum in vigilia festi beati Augustini episcopi et confessoris, anno domini M^mo CCC^mo LXX^mo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 391 (1-2 zu voranstehender Urkunde), 1 auf S. 392 (2-3 zu nachfolgender Urkunde).^{^}
[S. 391]
3) Vorlage: anuositate.^{^}
[S. 392]
1) Vorlage: assumerit.^{^}