Urkunde Nr. 1022 aus Band II

Seite im UB:

416-417

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 22.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1022

Ofen 1374 Januar 13 König Ludwig I. verleiht den Kronstädtern bezüglich des Schmelzens und Giessens von Wachs dieselben Rechte wie den Hermannstädtern, und gestattet ihnen, das mit ihrem Zeichen versehene Wachs im ganzen Reiche, insbesonders in Ofen, ungehindert in Handel zu bringen.

Nos Lodouicus dei gratia rex Hungariae, Poloniae, Dalmaciae et cetera memoriae commendantes tenore praesentium significamus quibus expedit universis, quod nos commodo et utilitati fidelium civium et hospitum nostrorum de Brasso, ut ex pietate regia et assumpti regiminis nostri officio tenemur, invigilare cupientes ad devotam supplicationem venerabilis in Christo patris domini Nicolai episcopi Chanadiensis fidelis et dilecti nostri ac ipsorum civium et hospitum nostrorum annuimus gratiose, quod iidem a modo et deinceps ceram in dicta civitate nostra Brassouiensi liquefacere et fundere [S. 417] eodem modo valeant atque possint, sicut cives nostri Cybinienses liquefaciunt et fundunt, tandem signo ipsorum consueto modum impressionis consignent ita tamen, quod praefati cives de Brassow ipsam ceram ex praemissa annuentia et gratia per ipsos infundendam ad civitatem nostram Budensem vel ad alias civitates regni nostri quocumque deferre voluerint liberam habeant facultatem ibique venditioni exponere nec autem iidem cives dictam ceram eorum secundario liquefacere et fundere teneantur, sed omnis emptor nostri¹⁾ regni seu aliorum regnorum supervenientium praemissam ceram eo modo ut praehabitum est comparare et emere ac quo ducere voluerit libere possit et secure. Praesentes etiam sub magno nostro sigillo dari faciemus, dum nobis fuerint reportatae. Datum Budae, in octavis festi epiphaniarum, anno domini M^mo CCC^mo LXX^mo quarto.


1) Über der Zeile nachgetragen.^{^}