Urkunde Nr. 1028 aus Band II

Seite im UB:

427-428

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1028

1374 Mai 7 Der Kolozsmonostorer Konvent bezeugt, dass Magister Johann, Sohn Gegus' von Malmkrog, die Entscheidung in dem mit den Adligen von Kelling geführten Erbstreite dem Erzbischof von Kalocsa zu übertragen beabsichtigt.

Nos conventus monasterii beatae Mariae virginis de Clusmonustra memoriae commendamus per praesentes, quod Gregorius de Nogfalu dictus famulus et procurator magistri Johannis filii Gegus de Almakerek ad nostram accedendo praesentiam in persona eiusdem magistri Johannis domini sui per modum protestationis nobis significare curavit, quod praedictus magister Johannes super Salomonem et alios suos fratres de Kelnek quartam filialem [S. 428] quondam nobilis dominae protaviae suae filiae videlicet Chel, Leen vocatae coram venerabili in Christo patre domino Demetrio dei et apostolicae sedis gratia episcopo Transsiluano ac suo vicario in spiritualibus in iudicio aequirendo iidem nobiles de Kelnek ipsum magistrum Johannem ipsis in linea generationis attinentem minus iuste denegassent, ipseque magister Johannes prout dictasset ordo iuris dictam suam acquisitionem moderamine iuris observato semel et secundario testibus idoneis producendo comprobasset, tandem ultimate pridem in octavis festi beati Georgii martyris nunc proxime praeteritis¹⁾ praefati dominus episcopus et suus vicarius ob favorem praedictorum nobilium de Kelnek in faciendo iudicio sibi suspecti esse videbantur nec dictam suam intentionem tertiario comprobare permisissent, asserens quod praenominatus magister Johannes filius Gegus dominus suus dictam suam causam cum quibuslibet gravaminibus cum testibus humanis evidenter et certiori comprobatione sublevare praesto erit et paratus. Unde quia coram iudice suspecto periculosum est litigare, praemissam suam causam in praesentiam venerabilis patris domini Stephani per eandem gratiam archiepiscopi Colochyensis ecclesiae et suorum canonicorum deliberandam et discutiendam ac determinandam distuleret et attraheret obtenta opportunitate. In cuius protestationis testimonium literas nostras per nos sibi dari postulavit, quas nos concessimus eidem iustitia communi suadente. Datum die dominico proximo ante festum ascensionis domini, anno eiusdem M^mo CCC^mo LXX^mo quarto.


1) Mai 1.^{^}