Urkunde Nr. 1029 aus Band II

Seite im UB:

428-429

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1029

1374 Mai 7 Der Kolozsmonostorer Konvent bezeugt, dass Magister Johann, Sohn Gegus' von Malmkrog, gegen eine durch den siebenbürgischen Bischof oder dessen Vikar erfolgende Entscheidung seines Erbstreites mit den Adligen von Kelling sich verwahrt.

Nos conventus monasterii beatae Mariae virginis de Clusmonustra memoriae commendamus per praesentes, quod Laurencius de Beden et Gregorius de Nogfalu famuli et procuratores magistri Johannis filii Gegus de Almakerek ad nostram accedentes praesentiam in persona eiusdem magistri Johannis per modum protestationis nobis significare curarunt, quod ipse super Salomonem de Kelnek et alios suos fratres quartam filialem quondam nobilis dominae protaviae suae filiae Chel, Len vocatae coram venerabili in Christo patre domino Demetrio episcopo Transsiluano et suo vicario in iudicio acquirendo, iidem nobiles de Kelnek ipsum in linea generationis existentem et a praefata domina successum denegassent minus iuste ipseque magister Johannes prout dictasset ordo iuris in facto acquisitionis dictae suae causae semel et secundario testes idoneos producendo comprobasset, [S. 429] tandem ultimate idem dominus episcopns et suus vicarius pridem in octavis festi beati Georgii martyris tunc proxime praeteritis¹⁾ in danda definitiva sententia sibi suspecti esse credidisset, asserentes quod praedictus magister Johannes dominus ipsorum dictam suam causam cum omnibus gravaminibus suis in evidenti documento et certiori comprobatione testium sublevare praesto esset et paratus contra nobiles de Kelnek praenotatos tempore ad id opportuno. Unde si praefati dominus episcopus vel suus vicarius eisdem nobilibus de Kelnek ob favorem in praemissa sua causa contra ipsum literas expeditorias dare niterentur vel dedissent prohibere ab emanatione earundem literarum et praefati Laurencius et Gregorius prohibuerunt²⁾ et inhibuerunt³⁾ coram nobis palam et expresse. Datum die dominico proximo ante festum ascensionis domini, anno eiusdem M^mo CCC^mo LXX^mo quarto.


1) Mai 1.^{^}
2) Vorlage: prohiberunt.^{^}
3) Vorlage: inhiberunt.^{^}