Urkunde Nr. 1038 aus Band II

Seite im UB:

436-437

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1038

Hermannstadt 1375 Juni 29 König Ludwig I. befiehlt dem siebenbürgischen Woiwoden Stephan und dessen Stellvertretern, die für den König beschlagnahmte Hälfte von Olaherkes und Drasman an Ladislaus und Johann, die Söhne Somrakus', und an die Töchter Renerius' zurück zu erstatten.

Lodouicus dei gratia rex Hungariae, Poloniae, Dalmaciae et cetera fidelibus suis magnifico viro Stephano vaivodae Transsiluano eiusque vices gerentibus, quibus praesentes ostenduntur, salutem et gratiam. Quia nos possessionem Olaherkes vocatam simul cum villa Drasman nominata¹⁾ intra metas eiusdem locata²⁾, quarum medietatem vos nomine possessionis³⁾ quondam Renerii filii Renerii hominis sine herede masculino defuncti pro nostra occupaveratis maiestate, Ladislao et Johanni filiis Somrakus ac filiabus praetacti Renerii tum pro eorundem servitiis tum pro iure quartali dominae matris [S. 437] et aviae ipsorum, quod in eadem possessione et aliis possessionibus quondam Nicolai filii Alardi avi ipsorum nunc apud manus nostras regias existentibus habere potuissent, de novo restituimus et novae donationis nostrae titulo eisdem contulimus, ideo fidelitati vestrae et ipsorum cuilibet firmiter praecipiendo mandamus, quatenus statim visis praesentibus medietates praedictarum possessionum Olaherkes et Drasman appellatarum per vos modo praemisso occupatarum praenotatis filiis Somrakus et eorum sororibus praedictis remittere et resignare absque aliqua exactione debeatis damnoque et devastatione sine omni, et aliud facere nullatenus audeatis. Datum in Cybinio, in festo beatorum Petri et Pauli apostolorum, anno domini M^mo CCC^mo LXX^mo quinto.


1) Gebessert aus: nominatam.^{^}
2) Gebessert aus: locata, [Abkürzungsstrich über ta], der Strich gestrichen.^{^}
3) Vorlage: possessionem.^{^}