Urkunde Nr. 1044 aus Band II

Seite im UB:

439-440

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

1044

Wissegrad 1375 Dezember 6 König Ludwig I. erlässt zu Gunsten Salzburg's, Deesakna's, Szek's, Thorenburg's und Kolozs's eine Verordnung, betreffend die den Iobagionen und sonstigen Leuten zu gestattende Übersiedelung in die genannten Orte.

Von der Kanzlei: Relatio domini Johannis episcopi Vacyensis.

Lodouicus dei gratia rex Hungariae, Poloniae, Dalmaciae et cetera fidelibus suis yenerabili in Christo patri domino Demetrio episcopo Transsiluano ac nobilibus, civitatibus et liberis villis earumque rectoribus et iudicibus necnon alterius cuiusvis status et conditionis partis Transsiluanae hominibus officialibusque et vices gerentibus eorundem salutem et gratiam. Quia regis gloria in multitudine populorum solet iocundari ob hocque habita una cum praelatis et baronibus nostris deliberatione matara salifodinas nostras de Wyzakna, Deesakna, Zeekakna, de Torda et de Kolosakna multitudine [popul]orum velimus facere decorari, fidelitati vestrae et vestrum cuilibet tirmissime edicimus, quatenus a modo in antea iobagiones et consocios vestros ad dictas salifodinas nostras vel aliquam earum causa commorandi venire volentes habita licentia iustoque terragio et aliis eorum [S. 440] debitis iustis et legitimis persolutis non imponendo super eos pro hac re aliquod vitium calumniae libere, pacifice, quiete et indemniter ac illaese abire et transire permittatis salvis eorum rebus et personis. Si qui autem aliud quidquam actionis contra eosdem vel aliquem ipsorum habent vel habuerint, id in praesentia comitis et iudicum dictarum salifodinarum vel suorum officialium legitimorum prosequantur, ex parte quorum consuetudine eorum requirente omnis iuris et iustitiae exhibebitur complementum indilate, et e converso si qui ex nostris iobagionibus dictae partis Transsiluanae tam sub honore vaivodatus quam alias existentibus demptis salium nostrorum incisoribus ad vestras possessiones et vestri in medium residendi causa se transferre voluerint, modo simili libere et indemniter transmitti iubemus et faciemus, qui si haec feceritis bene quidem, alioquin viro magnifico Stephano vaivodae Transsiluano fideli nostro vel eius vices gerenti commisimus et serie praesentium committimus, ut in eo casu, quo vos praemissa non admitteretis, vestros iobagiones et consocios ad dictas salifodinas, ut praefertur, venire volentes de vestris possessionibus et de vestri medio cum iudicio trium marcarum simul cum omnibus eorum rebus et bonis excipien[darum] liberas et indemnes statuat in salifodinis nostris praenotatis, de quo tandem nostrae minime imputare poteritis maiestati, aliud igitur facere non ausuri. Datum in Vissegrad, in festo beati Nicolai confessoris, anno domini M^mo CCC^mo LXX^mo quinto. Et haec in foris et aliis locis publicis dictarum partium Transsiluanarum, ubi necesse fuerit, palam iubemus et volumus facere proclamari. Datum ut supra.

Unter dem Siegel: Relatio domini Johannis episcopi Vaciensis.