Urkunde Nr. 1046 aus Band II

Seite im UB:

440-441

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1046

Avignon [1376] Mai 5 Papst Gregor XI. ernennt den Grossauer Pfarrer Goblinus zum Bischof von Siebenbürgen.

[S. 441] Gregorius episcopus et cetera dilecto filio Gobellino electo Transilvano salutem et cetera. Apostolatus officium et cetera. Dudum siquidem provisiones omnium ecclesiarum cathedralium ex tunc in antea vacaturarum per translationes de praelatis earum ubilibet constitutis per nos faciendas in posterum alias ad ecclesias cathedrales tunc vacantes et ex tunc in antea vacaturas ordinationi et dispositioni nostrae duximus reservandas, decernentes ex tunc irritum et inane, si secus super his per quoscumque quavis auctoritate scienter vel ignoranter contingeret attemptari. Postmodum vero ecclesia Transilvana ex eo pastoris solatio destituta, quod nos nuper¹⁾ venerabilem fratrem nostrum Demetrium Zagrabiensem tunc Transilvanum episcopum licet absentem a vinculo, quo ipsi ecclesiae Transiivanae, cui tunc praeerat, tenebatur, de fratrum nostrorum consilio et apostolicae potestatis plenitudine absolventes, eum ad ecclesiam Zagrabiensem tunc vacantem duximus auctoritate apostolica transferendum, praeficiendo ipsum eidem ecclesiae Zagrabiensi in episcopum et pastorem, nos ad provisionem ipsius Transiivanae ecclesiae celerem et felicem, de qua nullus praeter nos hac vice se intromittere potuit neque potest reservatione et decreto obsistentibus supra dictis, ne ipsa Transilvana ecclesia longae vacationis exponeretur incommodis, paternis et sollicitis studiis intendentes, post deliberationem, quam de praeficiendo eidem Transiivanae ecclesiae personam utilem et etiam fructuosam cum dictis fratribus habuimus diligentem, demum ad te plebanum plebis insulae Cristianae Strigoniensis diocesis in presbyteratus ordine constitutum, literarum scientia praeditum, vitae ac morum honestate decorum, in spiritualibus providum et in temporalibus circumspectum et aliis multiplicium virtutum meritis, prout ex fide dignis testimoniis percepimus, insignitum direximus oculos nostrae mentis. Quibus omnibus debita meditatione pensatis de persona tua nobis et eisdem fratribus ob dictorum tuorum exigentiam meritorum accepta eidem Transiivanae ecclesiae de ipsorum fratrum consilio auctoritate apostolica providemus teque illi praeficimus in episcopum et pastorem, curam et administrationem ipsius Transiivanae ecclesiae tibi in spiritualibus et temporalibus plenarie committendo in illo, qui dat gratias et largitur praemia, confidentes, quod dextera domini tibi assistente propitia praefata Transilvana ecclesia sub tuo felici regimine prospere et salubriter dirigetur ac grata in eisdem spiritualibus et temporalibus suscipiet incrementa. Jugum igitur domini tuis impositum humeris prompta devotione suscipiens curam et administrationem praedictas sic exercere studeas sollicite, fideliter et prudenter, quod ipsa Transilvana ecclesia gubernatori provido et administratori fructuoso gaudeat se commissam, tuque proinde praeter aeternae retributionis praemium benevolentiae nostrae ac sedis apostolicae gratiam uberius consequi merearis. Datum Avinione, III. Nonas Maii, pontificatus nostri anno VI. In eodem modo venerabili fratri . .²⁾ archiepiscopo Colocensi, dilectis filiis capitulo et universis vasallis ecclesiae Transiivanae, clero et populo civitatis et diocesis Transiivanae, necnon carissimo in Christo filio Ludovico regi Ungariae illustri. [S. 442]


1) Hierauf: apud.^{^}
2) Stephan VI.^{^}