Urkunde Nr. 1047 aus Band II

Seite im UB:

442

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1047

Avignon [1376] Mai 5 Papst Gregor XI. benachrichtigt den siebenbürgischen Bischof Goblinus über die bei dessen Weihe zu beobachtenden Vorschriften.

Gregorius episcopus et cetera dilecto filio Gobellino electo Transilvano salutem et cetera. Cum nos hodie Transilvanae ecclesiae pastoris regimine destitutae de persona tua nobis et fratribus nostris ob tuorum exigentiam meritorum accepta de fratrum eorundem consilio auctoritate apostolica daxerimus providendum praeficiendo te illi in episcopum et pastorem, prout in nostris inde confectis literis plenius continetur, nos ad ea, quae ad tuae commoditatis augmentum cedere valeant, favorabiliter intendentes, tuis supplicationibus inclinati tibi, ut a quocumque malueris catholico antistite gratiam et communionem apostolicae sedis habente ascitis et in hoc sibi assistentibus duobus vel tribus catholicis episcopis similem gratiam et communionem habentibus munus consecrationis recipere valeas, ac eidem antistiti, ut munus praedictum auctoritate nostra impendere libere tibi possit, plenam et liberam concedimus tenore praesentium facultatem. Volumus autem, quod idem antistes, qui tibi praefatum munus impendet, postquam illud tibi impenderit, a te nostro et Romanae ecclesiae nomine fidelitatis debitae solitum recipiat iuramentum iuxta formam, quam sub bulla nostra mittimus interclusam, ac formam iuramenti, quod te praestare contigerit, nobis de verbo ad verbum per tuas patentes literas tuo sigillo signatas per proprium nuncium quantocius destinare procures, quodque per hoc venerabili fratri nostro . .¹⁾ archiepiscopo Colocensi, cui praefata ecclesia metropolitico iure subesse dignoscitur, nullum in posterum praeiudicium generetur. Datum Avinione, III. Nonas Maii, pontificatus nostri anno sexto.


1) Stephan VI.^{^}