Urkunde Nr. 1052 aus Band II

Seite im UB:

445

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

1052

Avignon [1376] Mai 19 Papst Gregor XI. verleiht Thomas Thomae, dem Pfarrer in Hahnbach, die Pfarrstelle von Grossau.

De beneficiis vacaturis quaternus I.^a)

Dilecto filio Thomae Thomae rectori parochialis ecclesiae in Hanbach Strigoniensis diocesis baccalaureo in decretis salutem et cetera et cetera. Cum itaque parochialis ecclesia insulae Cristianae Strigoniensis diocesis, quam dilectus filius Gobelinus electus Transilvanensis tempore promotionis per nos factae de ipso ad ecclesiam Transilvanensem tunc pastore carentem obtinebat sicut adhuc obtinet, per huiusmodi promotionem et munus consecrationis impendendum eidem electo in proximo vacare speretur, nos volentes tibi praemissorum meritorum tuorum intuitu necnon consideratione carissimi in Christo filii nostri Ludovici regis Ungariae illustris pro te dilecto suo nobis super hoc humiliter supplicantis gratiam facere specialem, praedictam parochialem ecclesiam, cum eam ut praefertur vel per lapsum temporis de consecrandis episcopis a canonibus definiti aut alias quovis modo praeterquam per ipsius Gobelini electi obitum vacare contigerit, conferendam tibi cum onmibus iuribus et pertinentiis suis donationi apostolicae reservamus districtius inhibentes et cetera et cetera usque seu quod parochialem ecclesiam in Hanbach praedictae diocesis nosceris obtinere quodque nuper tibi de canonicatu et praebenda ecclesiae Transilvanensis, qui tunc certo modo vacare sperabantur, per nostras certi tenoris literas mandamus provideri. Volumus autem quod, quamprimum vigore praesentium dictam parochialem ecclesiam insulae Cristianae fueris pacifice assecutus, praefatam ecclesiam in Hanbach, quam ut praemittitur obtines quamque ex tunc vacare decernimus, omnino, prout ad id etiam te sponte obtulisti, dimittere tenearis. Nulli ergo et cetera et cetera. Datum Avinione XIV. Kalendas Junii, pontificatus nostri anno sexto.

In eodem modo dilectis filiis abbatibus monasterii sanctae Mariae de Candelis Strigoniensis et praeposito sancti Georgii Strigoniensis ac decano sancti Agricoli Avinionensium ecclesiarum salutem et cetera. [S. 446]


a) Vermerk auf dem Rand.^{^}