Urkunde Nr. 1056 aus Band II

Seite im UB:

447-448 ^a)

Druckvorlage:

nach Original

Abdruck als:

Volltext

Sprache:

Latein

---

1056

1376 Oktober 23 Der Kolozsmonostorer Konvent schaltet die Urkunde des Woiwoden Ladislaus von 1376 Nr. »1055 ein und berichtet [S. 448] dem Woiwoden, dass Margaretha, Wittwe nach Peter von Johannisdorf, in den erblichen Besitz von Reussdorf eingeführt worden ist.

Magnifico viro et honesta Ladislao vaivodae Transsiluano et comiti de Zonuk amico eorum honorando conventus monasterii beatae Mariae virginis de Clusmonustra amicitiam paratam sincero cum honore. Literas vestrae magnitudinis noveritis nos in haec verba recepisse. (Folgt die Urkunde des Woiwoden Ladislaus von 1376 Nr. »1055.) Nos enim iustis et legitimis petitionibus vestris annuentes ut tenemur una cum praefato magistro Ladislao filio Ladislai nomine vestro de praenotata Zarkad nostrum hominem videlicet fratrem Georgium sacerdotem socium nostrum ad praemissa exequenda pro testimonio fide dignum duximus transmittendum. Qui demum ad nos reversi nobis concorditer retulerunt, quod licet in literis vestrae magnificentiae taliter exprimeretur,¹⁾ ut praenominatus Ladislaus filius Emerici possessionem suam Kund vocatam eidem nobili dominae relictae Petri de Zenthyuan glori suae usque vitam tradere velit, tamen cum in festo beati Lucae evangelistae²⁾ ipsi ad faciem praedictae possessionis Kund pro infra scripta statutione facienda accessissent, tandem praenominatus Ladislaus filius Emerici intervenientibus procurationibus et laboribus vicinorum et commetaneorum eiusdem possessionis Kund, tunc per eosdem pro testimoniis³⁾ illuc convocatorum salubriori intentione conductus eandem possessionem Kund vocatam exceptis duntaxat octo curiis et duodecim iugeribus cum medio terrarum arabilium more Saxonico existentibus per eundem Ladislaum pro se reservatis cum omnibus utilitatibus et utilitatum quibuslibet integritatibus ad eandem possessionem Kund spectantibus eidem nobili dominae relictae Petri de Zenthyuan filiae scilicet Stephani filii Elley de Turozkou Margaretha vocatae pro suis iuribus ipsam in universis possessionibus memorati Petri de Zenthyuan mariti sui de iure et regni consuetudine tangentibus dedisset et contulisset per eandem et suos successores iure perennali possidendam tali solo modo articulo interserto, quod si praelibatus Ladislaus filius Emerici divino arbitrante iudicio liberos procreare poterit, tunc eandem possessionem Kund a praefata nobili domina relicta Petri vel suis successoribus in condigna aestimatione et valore liberam redimendi habeat facultatem. Ubi ipsi praenotata donatione modo praemisso facta eandem possessionem Kund simul cum omnibus suis utilitatibus et fructuositatibus exceptis praedictis octo curiis et duodecim iugeribus cum medio terrarum arabilium praemissam donationem eiusdem Ladislai et ipso volente ac⁴⁾ praesentiali astantia consentiente eidem nobili dominae Margarethae relictae Petri de Zenthyuan et in persona eiusdem magistris Nicolao et Ladislao fratribus suis statuissent perpetuo possidendam, tribus diebus continuis in eadem commorassent nemine contradictore apparente. Datum feria quinta proxima ante festum beatorum Symonis et Iudae apostolorum, anno praenotato. [S. 449]


a) Seitenumbruch im Kopfregest.^{^}

1) Vorlage: exprimetur.^{^}
2) Oktober 18.^{^}
3) Vorlage: testioniis.^{^}
4) Gebessert aus: hac.^{^}