Urkunde Nr. 1064 aus Band II

Seite im UB:

456-457

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1064

Thorenburg 1377 April 26 König Ludwig I. beauftragt den Kolozsmonostorer Konvent, bei der Einführung Stephans und Thomas, der Söhne Nikolaus' von Durles, in die Besitzung Babucz mitzuwirken.

Lodouicus dei gratia rex Hungariae, Poloniae, Dalmaciae et cetera fidelibus suis conventui de Clusmonstra salutem et gratiam. Dicitur nobis [S. 457] in personis Stephani et Thomae filiorum Nicolai filii quondam Symonis bani de Darlaz, quod quaedam possessio ipsorum Babouch vocata in comitatu de Doboka apud manus Johannis dicti Botus de Solyumkow occupative habita recaptivatione eisque statuifactione plurimum indigeret. Super quo fidelitati vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Johannes filius Jacobi de Ceckmantel vel Emericus de Popfalua altero absente bomo noster ad faciem praelibatae possessionis Babouch vocatae vicinis et commetaneis suis universis legitime inibi convocatis et praesentibus accedendo recaptivet ipsam nomine iuris praefatorum Stephani et Thomae filiorum Nicolai recaptivatamque et ab aliorum possessionariis iuribus distinctam et separatam statuat eandem eisdem Stephano et Thomae eo iure, quo ipsis dignoscitur pertinere, perpetuo possidendam si non fuerit contradictum, contradictores vero si qui fuerint evocet eosdem contra Stephanum et Thomam praenotatos in praesentem nostram congregationem per certos nostros barones¹⁾ ex speciali nostrae maiestatis edicto Tordae celebrare commissam²⁾ rationem contradictionis eorum reddituros, et post haec ipsius possessionariae recaptivationis et statutionis seriem vel nomina praedictorum citatorum si qui fuerint ad terminum assignatum nobis fideliter rescribatis. Datum in Torda praedicta, die dominico proximo post festum beati Georgii martyris, anno domini M^mo CCC^mo LXX^mo septimo.


1) Vorlage: barraones.^{^}
2) Vorlage: commissa.^{^}