Urkunde Nr. 1074 aus Band II

Seite im UB:

464

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1074

Neumarkt am Mieresch 1377 Mai 23 ^a) König Ludwig I. verbietet Gefangennehmung und Pfändung der Klausenburger beziehungsweise die Ausübung fremder Gerichtsbarkeit über dieselben.

Nos Lodowicus dei gratia rex Hungariae, Poloniae, Dalmaciae et cetera memoriae commendantes significamus tenore praesentium quibus expedit universis, quod Nicolaus filius Thomae dicti Zekul iudex civitatis nostrae de Koluswar suo ac universorum civium et hospitum nostrorum de eadem vice et nominibus ad nostrae maiestatis accedendo praesentiam nostrae significare curavit celsitudini, quod nonnulli ipsos aut aliquem ipsorum in provinciis et partibus regni nostri procedentes necnon res et bona eorundem prohiberent et arestarent nulla penitus in praesentia ipsorum et medio, ut libertas aliarum civitatum nostrarum requirere dignoscitur, iustitia postulata per quod ipsi non modica damna et multas iniurias ac molestias paterentur, supplicans idem¹⁾ Nicolaus filius Thomae sua et dictorum civium ac hospitum nostrorum in persona nostro culmini, ut ipsis super hoc providere dignaremur de remedio opportuno. Unde cum libertas civitatum nostrarum et regni nostri id requirat, ut quilibet querulantes suam iustitiam in medio ipsorum prius debeant exercere, igitur vobis universis praelatis, baronibus, comitibus, castellanis, nobilibus, officialibus eorundem ac aliis quibusvis iustitiariis regni nostri,²⁾ item civitatibus et liberis villis eorumque rectoribus iudicibus et villicis, quibus praesentes ostenduntur, edicto regio firmo damus sub praecepto, quatenus dictos cives et hospites nostros de Koluswar aut aliquem ex ipsis vel res et bona eorundem prohibere non praesumatis nec prohiberi permittatis. Si qui enim contra eosdem vel aliquem ipsorum aliquid actionis seu quaestionis habuerint, in praesentia iudicis eiusdem civitatis et medio eorundem exequantur iuris ordine observato, qui quibuslibet querelantibus iustitiae facient complementum aequitate suadente. Datum in Zekuluasarhel, Sabato proximo ante festum sanctae trinitatis, anno domini millesimo CCC^mo LXX^mo septimo.


a) Ausstellungsort im UB als: Neumarkt.^{^}

1) Hierauf der Bogen von T des später folgenden Thomae.^{^}
2) Vorlage: sui.^{^}