Urkunde Nr. 1088 aus Band II

Seite im UB:

484-485

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 122.

Druckvorlage:

nach Original

Abdruck als:

Volltext

Sprache:

Latein

---

1088

1378 Februar 1 Dekan Nikolaus und Genossen bezeugen den Vergleich zwischen Kronstadt und Heldsdorf einerseits und Marienburg andererseits, betreffend den Markt in Marienburg und die Ackerländer der Heldsdörfer auf Marienburger Hattert.

Nicolaus Brassouiensis decanus, Coronae civitatis plebanus, magister Michael domini nostri regis familiaris, Gotfridus domini de Scarphennek vicecastellanus, nos quoque iudices, iurati, villici et universi de Brassow provinciales memoriae commendamus quibus expedit per praesentes, quod causa pacis, commodi nostraeque salutis omnes dissensiones, quaslibet rixas, universas contrarietates inter nostros seniores et homines notatae civitatis et Hiltwin habitas parte ab una necnon inter seniores de Mergenborg et homines parte ab altera ad tranquillitatem verae concordiae, purae dilectionis et amicitiae concordavimus et foederavimus perpetue per hunc modum, quod omnia obiurgia, universa pericula, singulas impignorationes et quaelibet incommoda inter dictas ambas partes habita materia de quacumque simpliciter sine posteriori fraude et dolo in toto debeant esse deleta et mortificata videlicet, ut de facto fori in Mergenborg habiti nullus ipsis hominibus debeat improperare vel contrariari neque nullus propter dictas mortificatas dissensiones alteri debet inimicari nec aliquod incommodum pro tali facto debet inchoari. Et si quis ausu temerario contra dictas nostras concordationes processerit aut novas improperationes inchoaverit vel quodcumque incommodum contrarium fecerit, idem corpore, rebus suis universis per nos punietur. Item de agro arabili villae Hiltwin in territorio Mergenborg sito talem ordinationem in recipiendis ab ipso pecuniis decrevimus ordinare cum consensu partium [S. 485] ambarum et voluntate, quod omnis prompta pecunia per nostros consocios ab isto agro recepta ante praesentes in toto ipsis debet manere sine reclamatione. Sed dehinc pro pecunia in taxa domino nostro regi persoluta quilibet de Hiltwin praecise¹⁾ et absolute de quolibet iugere agri duos tantummodo debet dare ducatos, postquam vero talis pecunia in toto fuerit persoluta, ex tunc omnia vadia hominum de Hiltwin recepta homines de Mergenborg rationes debent reddere et redonare integraliter et complete et si quae ibidem pignora remanent non restituta ex tunc pignorum amissor receptorem horum pignorum coram provinciali iudicio citabit ibique idem receptor pro pignoribus iuris sibi faciat ad restitutionem vel per iuridicam excusationem complementum. In huius rei testimonium praesentes nostri sigilli munimine et hominum praescriptorum fecimus tergotenus roborare. Datis vigilia purificationis sanctae Mariae virginis, anno domini M^o CCC^o LXXVIII^o.


1) Vorlage: praescise.^{^}