Urkunde Nr. 1096 aus Band II

Seite im UB:

492-494 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1096

1378 Juli 14 König Ludwig I. bekräftigt für die Stadt Klausenburg seine Urkunde von 1377 Nr. »1075, betreffend die Hattertgrensen der Stadt Klausenburg.

[L]odouicus²⁾ dei gratia Hungariae, Poloniae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem [S. 493] in salutis largitore. Regiam decet excellentiam snorum fidelium preces legitimas favorabiliter exaudire et eoram fidelitatibus recensitis iustis ipsorum petitionibus facilem praebere consensum in his praecipue, quae videntur suorum subditorum commodis utiliter convenire. Proinde ad universorum notitiam harum serie volumus pervenire, quod fideles nostri discretus vir Nicolaus plebanus et Nicolaus filius Thomae iudex civitatis nostrae de Cluswara in personis universorum civium et hospitum nostrorum fidelium de eadem in nostram accedentes praesentiam exhibuerunt nobis quasdam literas nostras patentes maiori et novo sigillo nostro consignatas super legitima dictae civitatis nostrae Cluswara et eiusdem terrarum ac territoriorum reambulatione necnon metarum earundem erectione facta emanatas tenoris infra scripti, supplicantes nostrae maiestati humiliter et devote, ut easdem de verbo ad verbum praesentibus transumi et transcribi ac in formam nostri privilegii redigi faciendo acceptare, approbare et ratificare ac pro eisdem civibus et hospitibus nostris necnon tota communitate dictae civitatis nostrae de Cluswara eorumque posteritatibus et successoribus universis nostro dignaremur privilegio confirmare. Quarum tenor talis est. (Folgt die Urkunde des Königs Ludwig I. von 1377 Nr. »1075.) Nos igitur humillimis et iuri consonis praefatorum Nicolai plebani et Nicolai filii Thomae iudicis dictae civitatis nostrae Cluswara supplicationibus in personis praelibatorum civium et hospitum nostrorum de eadem Cluswara nostrae maiestati porrectis regia pietate favorabiliter inclinati praetactas literas nostras patentes super legitima dictae civitatis nostrae Cluswara et eiusdem terrarum ac territoriorum reambulatione necnon metarum earundem erectione emanatas de verbo ad verbum praesentibus insertas simul cum praedictis metis et earum decursibus acceptamus, approbamus et ratificamus ac pro eisdem civibus et hospitibus nostris ac tota communitate dictae civitatis nostrae Cluswara eorundemque posteritatibus et successoribus universis regia auctoritate perpetuo valituras confirmamus praesentium patrocinio mediante, salvis iuribus alienis. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri novi duplicis munimine roboratas. Datum per manus venerabilis in Christo patris et domini, domini Demetrii episcopi Zagrabiensis, aulae nostrae vicecancellarii dilecti nobis et fidelis, anno domini millesimo trecentesimo septuagesimo octavo, secundo Idus mensis Julii, regni autem nostri anno tricesimo septimo. Venerabilibus in Christo patribus dominis fratre Stephano Colocensi sacrae paginae magistro, Petro Jadrensi, Vgulino Spalatensi et Vgone Ragusiensi archiepiscopis, Emerico Agriensi, eodem Demetrio Zagrabiensi, Gublino Transsilvaniensi, Valentino Quinqueecclesiensi decretorum doctore, Ladizlao Varadiensi, Gvillelmo Jauriensi, Petro Vessprimiensi, Paulo Chanadiensi, fratre Dominico Boznensi, Petro Vaciensi, Johanne Syrmiensi, fratre Dominico Nitrensi, Paulo Tyniniensi, Demetrio Nonensi, Grisogono Trauguriensi, Matheo Sybinicensi, Stephano Pharensi, Jacobo Macarensi, Thoma Carbauiensi et Protina Seniensi ecclesiarum episcopis ecclesias dei fideliter gubernantibus, Strigoniensi sede vacante. Magnificis viris Nicolao de Gara palatino regni nostri et iudice Comanorum, Ladizlao vaivoda Trans- [S. 494] siluano, comite Jacobo de Scepus iudice curiae^b)et universarum civitatum nostrarum, Nicolao de Zeech Dalmaciae et Croaciae, Petro Zudor totius regni Sclauoniae et Johanne de Machou banis, Georgio Zudor pincernarum, Stephano similiter Zudor ianitorum, Paulo de Lizkow dapiferorum, Stephano agasonum nostrorum magistris, honore comitatus Posoniensis vacante, aliisque quampluribus regni nostri comitatus¹⁾ tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 492 (1 zu voranstehender Urkunde), 1 auf S. 494 (dortige 2-6 zu nachfolgender Urkunde).^{^}
b) Nachtrag UB II 757 statt: civium.^{^}
[S. 492]
2) Raum für L leer gelassen. ^{^}
[S. 493]
1) Fehlt in der Vorlage.^{^}