Urkunde Nr. 1097 aus Band II

Seite im UB:

494-495

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1097

1378 Juli 14 König Ludwig I. bestimmt, dass die Stadt Klausenburg zu einer Jahressteuer von 52 Mark Silber, ferner zu einer im Falle eines Feldzuges einmal im Jahre zu zahlenden Kriegssteuer von 200 Goldgulden und zu einer einmal im Jahre zu leistenden Bewirtung des Woiwoden verpflichtet ist.

[L]odouicus²⁾ dei gratia Hungariae, Poloniae, Dalmaciae,³⁾ Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem in salutis largitore. Regalem decet excellentiam suorum fidelium preces legitimas favorabiliter exaudire et eorum fidelitatibus recensitis iustis ipsorum petitionibus facilem praebere consensum in his praecipue, quae videntur suorum subditorum commodis utiliter convenire. Proinde ad universorum notitiam harum serie volumus pervenire, quod discretus vir dominus Nicolaus plebanus et alter Nicolaus filius Thomae iudex civitatis nostrae de Coloswar in personis universorum civium et hospitum nostrorum de eadem Coloswar in nostrae serenitatis veniendo praesentiam nostrae humiliter detexerunt maiestati, quod quia⁴⁾ literae⁵⁾ et instrumenta eorum, quibus hactenus gavisi exstitissent, ab ipsis casualiter forent deperdita, ideo ipsi in eisdem libertatibus et consuetudinibus ipsorum antiquis signanter in solvendis collectis et datiis eorum nimium periclitarentur, supplicantes exinde maiestati nostrae nominibus quibus supra, ut super hoc eisdem civibus et hospitibus nostris de remedio dignaremur providere opportuno. Nos itaque supplicationibus eorundem regia⁶⁾ benignitate exauditis et admissis volentesque ipsis civibus et hospitibus [S. 495] nostris in eorum necessitatibus regio occurrere cum favore, ut ipsi in pacis pulchritudine sedeant et tranquillitate quiescant, matura deliberatione praehabita huiusmodi gratiae et libertatis praerogativam duximus eisdem faciendam, ut iidem cives et hospites nostri singulis annis circa festum beati Martini confessoris iuxta antiquam eorum consuetudinem quinquaginta duas marcas argenti fini ponderis Budensis nobis et ad cameram¹⁾ nostram regiam dare et persolvere, praeterea si pluries quam semel in anno exercitum movebimus tunc iidem cives et hospites nostri nobis vel vaivodae nostro Transsiluano pro collecta exercituali non pluries nisi semel tantum ducentos florenos auri similiter dare et persolvere teneantur, ubi autem exercitum non habuerimus, tunc a solutione dictorum ducentorum florenorum auri iidem cives et hospites nostri exempti habeantur penitus et absoluta. Volumus nihilominus, ut idem vaivoda noster Transsiluanus nunc constitutus vel alii vaivodae nostri in futurum constituendi non pluries in anno nisi una vice tantum ab ipsis civibus et hospitibus nostris de dicta Coloswar ratione descensus victualia petere vel exigere valeant atque possint, iudicia autem et alia quaelibet iura vaivodatus iidem vaivodae nostri inter eosdem cives et hospites nostros facere et exercere debeant more alias consueto. Et quia fragilem humanae naturae memoriam prolixitas temporum solet plerumque enervare, ne praemissae libertatis et gratiae nostrae praerogativa in posterum valeat retractari, sed perpetua potius firmitate consistat, praesentes concessimus literas nostras privilegiales pendentis et authentici sigilli nostri novi duplicis munimine roboratas. Datum per manus venerabilis in Christo patris et domini, domini Demetrii episcopi Zagrabyensis aulae nostrae vicecancellarii dilecti et fidelis nostri, anno domini millesimo trecentesimo septuagesimo octavo, secundo Idus mensis Julii, regni autem nostri anno tricesimo septimo. Venerabilibus in Christo patribus dominis fratre Stephano Colocensi sacrae paginae magistro, Petro Jadrensi, Vgulino Spalatensi et Vgone Ragusiensi archiepiscopis, Emerico Agriensi eodemque Demetrio Zagrabiensi, Gublino Transsiluanensi, Valentino Quinqueecclesiensi decretorum doctore, Ladizlao Waradiensi physico nostro, Gyllermo Jauriensi, Petro Wessprimiensi, Paulo Chanadiensi, fratre Dominico Boznensi, Petro Wachyensi, Johanne Syrimiensi, fratre Dominico Nitriensi, Paulo Tyniniensi, Demetrio Nonensi, Grisogono Tranguriensi, Matheo Sybicinensi, Stephano Pharensi, Jacobo Makarensi, Thoma Carbauiensi, Michaele Scardonensi et Portiua Seniensi ecclesiarum episcopis ecclesias dei feliciter gubernantibus, Strigoniensi sede vacante. Magnificis viris Nicolao de Gara regni nostri palatino et iudice Comanorum, Ladizlao vaivoda Transsiluano, comite Jacobo de Scepus iudice curiae et universarum civitatum nostrarum,²⁾ Nicolao de Zeech Dalmaciae et Croaciae, Petro Zudor totius regni Sclauoniae et Johanne de Machow banis, Georgio Zudor pincernarum, Stephano similiter Zudor ianitorum, Paulo de Lizkow dapiferorum, Stephano agasonum nostrorum magistris, honore comitatus Posoniensis vacante aliisque quampluribus regni nostri comitatus³⁾ tenentibus et honores. [S. 496]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-6 auf S. 494 (1 zu voranstehender Urkunde), 1-3 auf S. 495.^{^}
[S. 494]
2) Raum für L leer gelassen.^{^}
3) Hungariae, Poloniae, Dalmaciae in verlängerter Schrift.^{^}
4) Hierauf: ipsi.^{^}
5) Vorlage: literas.^{^}
6) Vorlage: regiam.^{^}
[S. 495]
1) Vorlage: camaram.^{^}
2) Vorlage: nostram.^{^}
3) Fehlt in der Vorlage.^{^}